أول شارع شامبليون !!

حاجات كتيرة في حياتنا عايزة ناخد بالنا
و حاجات عايزة حبة تأمل

يعني النهارده و لأول مرة

آخد بالي ان العمارة اللي ورا البنزينة اللي علي اول شارع شامبليون محطوط فوق سطحها يافطة كبيرة جدا بحيث تتشاف من اي حد علي الكورنيش
و مكتوب عليها
:

سبحان الله و بحمده
سبحان الله العظيم


ياه علي الجمال

ربنا يباركله اللي صممها و دفع فلوسها عشان تتعمل و تتعلق بالحجم ده

يمكن كل اللي حيشوفها حيرددها و ياخد ثوابها و يضيف حسنات لصاحب عمل الخير التذكيري ده

بس السؤال اللي بيطرح نفسه

هل بنتأمل حياتنا ؟

ولا باتت من التقليديات ؟


اعتقد ان ينبغي نفكر في حاجات كتير بشكل تاني
!

The Table

لا يعلم الكثيرون ان بعض الامور تتم علي هذا النحو

ما علا الطاولة و ما لم يعلوها

الفارق يكمن في المحتوي

فقد قرروا ان يصنعوا فرقآ في مستقبل قادم

الاستعداد أتي غاية في التبكير

و ستجيبنا الايام بمدي الفاعلية وان كان الامر يستحق منا هذا


فليذهب الكل الي كرسيه ليباشر مهامه
!

Here u are :)

شعور بالضيق ؟
شعور سيء ؟

لو نفسك في قعدة علي البحر بس الظروف مش مساعدة

يبقي نصيحة

انسي الدنيا لمدة 5 دقايق و كانك دلوقتي حالا علي شط البحر ده
:

ربما كل ما في الامر

انني في حاجة الي البكاء قليلا فحسب

..

: )

:-)

حاسس ان ربنا مباركلي في اليوم
أو ان ربنا راضي عني

الحمد لله من قبل و من بعد

من شوية

ع المغرب كان عندي فرح اخو حبيبي في الله عبدالله

كان فرح اسلامي ما شاء الله

و عملو مع العريس موقف تحففففففة

كان في مسابقة للجمهور و للدكاترة و للعريس

بتاعت الدكاترة اللي يعرف يجاوبها يبقي يقابلني
^_^

كان منها مين مين اول من شرح جثث

و مين اول طبيب في الاسلام

ومين اول من اكتشف الفيتامينات

و رغم اننا كنا مجموعة صحاب من صيدلة الا ان ولا الهوا
:::

جت بقي فقرة مسابقة العريس راح مناديه يقعد جمبه عند الميكروفون

في البداية قاله انت حتكون زوج متعاون في الاعمال المنزلية ؟؟

فرد قاله انت عايز توصل معايا لايه بالظبط
^&^

فقاله طب ماذا تفعل في الموقف التالي

زوجتك مشغولة في شغل البيت و لازم تساعدها في حاجة من 2
يا اما تغسل الاطباق يا اما تسكت النونو
ها تختار ايه ؟
و سابله فرصة يفكر

فالعريس جاوب قال اغسل الاطباق طبعا
^_^

فالراجل قاله طب احنا عشان بنحبك و بنساعدك جايبينلك معانا اريال و راح مطلعهوله من جيبه
:D

و راح مكمل قايله
في حالة غيرت رايك احنا جايبنلك معانا سكاتة
راح مطلعهاله بردو من جيبه
:D

و راح بعدها مطلعله كارت و قاله ده الكارت بتاعي عشان لو حبيت تستفسر عن طريقة الشغل بال 2
:))

------------------------------

قدام الجامع كان في الزفة
و كان معانا 2 من صحابنا اول مرة تقريبا يحضرو فرح اسلامي و موتونا من الضحك بأسألتهم
^_^

----------------------------

انتهي بينا المطاف عند اكاديمية ميامي

و هناك قابلنا صحاب لينا تانيين من ميامي بردو و كانو معانا في جمال عبدالناصر و علي الحظ كانو خارجين
و للي ميعرفش ميامي و الاكاديمية : عند الاكاديمية بيبقي منطقة تقابل الصحاب و منطقة التجمع قبل الركوب لخروجة المعمورة او المنتزة او شارع اسكندر ابراهيم

بقينا توتال حوالي 15 نفر من كليات كتييييييير و متجمعين تجمع متجمعناهوش من سنين
و تقريبا كلنا ماعدا نفر او 2 كنا مع بعض في ثانوي بس الصدف جمعتنا النهارده

اخدنا كام صورة تذكارية اكيد و كانت لحظات حلوة اوي

خلينا منطقة الاكاديمية منورة بالفلاشات
^_^

حاسس ان المرة الجاية حتكون كتب كتاب واحد من التجمع ده


يلا
زي ما رحنا زي ما جينا
:)

عزيزة

Fiat-127


أخدت الرخصة

الحمد لله
.

Sikidim 98

الاغنية ديه رغم اني مش فاهم منها ولا كلمة و ماعرفش ايه لغتها

الا اني باحس اني عايز اعيط لما باسمعها

..

:-/

As if it was the last time to
..... ...


& in case of being fact

حينها

حينها فقط

قد أذرف دمعا


يعقبه دمعا



و قد اذرف دمعا أكثر فاكثر
.

New Mineral Water ^_^

New !!! Mineral Water. - Click here for more free videos

There

لوقت من الاوقات النهاردة

حسيت اني قاعد في الحاضر بس باتفرج علي المستقبل

للاسف مشوفتهوش كله

بس فضلت فيه لوقت حلو

رغم انه مأشبعش فضولي


تهيأ لي اني شايف حاجات علي اصولها

اني شايف معاني كتيرة شفافة

و بشكل ما كنت متيقن ان بكرة لينا


رغم غرابة الاحساس

الا اني كنت كأني برا بعد الزمن و المكان

آه شايف سريري

لكن انا في عالم و هوا في عالم

زي اللي مفتح عينيه بس هوا مش هنا


رغم اني مش عارف للحظات ديه وصف ولا عنوان

الا اني فضلت ان البوست ديه تكون علي سبيل التذكرة بيهم

لحظات حلوة فيها صفاء رهيب كان مفيش صوت واحد في الخلفية

و كأن عقرب الثواني واقف و الدنيا متجمدة بس انا باتحرك

مفيش ليها غير صورة واحدة في ذاكرتي يمكن هيا صورة المكان اللي انا كنت فيه ساعتها

---------------------------------------------------------------------------------

عندي احساس اني علي شفا تغيير كبير في حياتي بشكل ما

حسبي الله لا اله الا هو عليه توكلت و هو رب العرش العظيم

رب اهدني الي ارشد امري

.

موقف في كلمات 4

never ever

عشان خاطري
. .

"I Dreamed A Dream"

http://www.youtube.com/watch?v=6PPlkOyaqaQ

:)

افتتاحية

تم بحمد الله و فضله افتتاح بلوج نجماويات
تحت عنوان
Lost Memories

ستجدون باذن الله ما قد ترغبون في قرائته في وقت من الاوقات

قد نتشارك ذكريات

قد نتذكر عادات او قيم خاب بريقها مع الزمن

في بعض الاحيان سنعيش الواقع
و في البعض الاخر ستشاركوني في عالم الخيال

فأهلا بــــكـــــم و ســهـــلآ


ملحوظة : المدونة القديمة انا مستمر فيها و لكن بشكل عام غير مرتكز علي الذكريات كما سيكون الحال هناك

زهرة

هي ليست مثلهن

تلمع قطرات الندي علي وريقاتها الحريرية

تنساب وريقاتها لتعزف كل منهن لحنا مختلفا علي صفحات المياة العذبة

تري انعكاسها فوق جدول المياة مماثلا لهيئتها لا يشوبه الأقنعة , فهي نقية

حيائها و خجلها جعلا من اللون الوردي لونآ دائما لوريقاتها

لها تاجا مرصع بالماس الابيض يتخلله نور الشمس و يعلو التويجا

بساطتها جعلت منها الاكثر تميزا في بستان زهر انتشر فيه التكلف شيئا فشيئا


هي زهرة

و لكن ليست مثلهن

Killing me Softly

رواااية

جه علي تفكيري او تخيلت النهارده رواية

و يتهيالي لو اللي في دماغي طلع صح يبقي ساعتها لازم ارفع القبعة بان اتلعبت صح

لأن لو ترتيب الاحداث اللي جه علي بالي كان صح
ساعتها حاحس احساس الشخصية اللي في فيلم كدا رضا لعبت دور الدكتور النفساني لما عرفت ان السجن و الاستجواب كانو رواية مصطنعة

انا ماعتقدش

بس قانون الاحتمالات بيعتقد

comment!

من امبارح و انا متابع الخبر السعيد بتاع اخويا محمد عمر

بس حاجتين استحوذو انتباهي علي الموضوع ده

اول حاجة كان الرد ده علي بروفايل د.سهيلة

Nada Ali مش هقولك أنا كنت بدعيلكم ازاي من وراكم بقى وكده :)
وكنت عمالة اراقب الوضع من بعيد واقول يااااامسهل
:))))))))
بقالي سنتين يا سهيلة... سنتييييين
مرهقين اوي انتو الاتنين
;)
عايزة احضنك اوي !!بجد بدمع كتير !مش مصدقة ان اخيرا الدعوة دي بالذات استجيبت
أحمدك ياااااااااااااارب
!!!!!!!!!

و تاني حاجة كانت الجزء ده من علي بروفايل محمد

Muhammad Omar and Sohila Mohammed Elonsy are now friends. · Comment · Like

Marwa El-lithy at 09:26 on 15 April

اخيرا

-------------------------------------------------

أتمم الله لكما علي خير

و أضاء دربكما بنوره و هديه

و بارك لكما و عليكما

و جمع بينكما في خير

هو

الصورة ديه استحوذنتي بشكل ما بسبب اللي متصور جواها

يمكن لاني حسيت ان احساسي كتير بيبقي نفس الاحساس اللي باين عليه في الصورة

او يمكن لاني حسيت ان ملامحي بتبقي شبه ملامحه في الصورة ديه اوقات كتير

حاسس اني فاهمه زيادة عن اللزوم

حاسس ان في الصورة ديه : هو أنا و أنا هو


by the way :
ديه صورة مقتبسة عن فيلم احمد حلمي الجديد تحت عنوان "عقبال عندكم

by the way :
و من كام ساعة بس باركت لاخويا و حبيبي في الله محمد عمر علي قرائة الفاتحة علي د.سهيلة الانسي
بارك الله لهما
و بارك الله عليهما
و جمع بينهما في مودة و خير


كلمة اخيرة
:

و عقبال عندكم و عندنا

احنا كمان

ليه قصص كتيرة اوي بيبقي فيها الاميرة هيا اللي بتعمل الاختبارات لشريك حياتها ؟

علي شاكلة اميرة متقدملها 3 و طلبت من كل واحد فيهم يروح الجنينة و يجيب كذا و دواليك


هوا في القصص لازم يطلعو كلهم بيتأمرو و بياخدو العريس تفصيل ؟
:D



بس علي ارض الواقع
العكس صحيح و جدا

و اختباراتنا معظمها غير ملحوظ

قد تاتي في شكل عبارة

طلب

رد

سؤال

موقف عابر


و يتم تحليل ردود الافعال في كل حالة

لتضاف نتيجة ما الي نتائج اختبارات البنت



أهي فكرة جت علي بالي و حبيت اكتبها في بوست
:)

yom 5amees

رغم ان النهارده كان يوم صعب .. الا انه كان يوم هادي و حلو أوي

بدأت فعالياته منذ الصباح الباكر جدا

و علي العصر حصل موقف تحففففة

و بعدها حصلت مناقشة بيني و بين زميل ينطبق عليها جملة
But some things you may find can take over your life,


النهارده اليوم كان مميز
و حاسس ان بكرة اليوم حيكون مميز

:)

الجدعنة كما يجب ان تكون

امبارح بليل كنت راكب المشروع جمب شريط القطر

و كنت لوحدي فيه و لمسافة صغيرة بس مكنتش قادر امشي
:)

و فجاة المشروع وقف ليميل السائق الشاب علي احدهم في الطريق ليلقي عليه السلام و يدور بينهما حديث قصير

الحديث اللي دار بينهم يدل علي تأصل عدة عادات في كثير من شباب مصر

كالجدعنة

و الصديق الصدوق

و إيثار الاخرين

و تخطي جميع العقبات و المصاعب

ناهيكم عن الاصرار علي الهدف

استنبطت منذ بداية الحديث الذي ملأته الرموز ان احدهم كان يبحث لكليهما عن بعضآ من -إحم- الكيف

هذا في حد ذاته للاسف صار منتشرا في كثير من شباب مصر في ظل حملة مفيش فايدة الشبابية

لكن المضحك المبكي هو الجمل الذين تبادلوها إبان هذا الأمر

فالاول يخبر صديقه بكم أنه سعي سعيا امتد أثره الي بحــري بحثآ عن الخدمة

شوفو الكفاح
!


و كم انه ظل يتصل بفلان و لم ينسي الاتصال بفلان و فلان

شوفو الأخذ بالاسباب
!


و الاخر يخبره بانه قطعا لم يكن لينساه لو كان قد افلح في الوصول الي المعلوم حتي و ان وصل الامر للتشارك فيها بينهم

شوفتو الايثار و الصديق عند الشدة
!


و يتخلل الحديث بعضآ من الحلفان و الأيمان

شوفو الصدق
!


شباب فعلا عندهم هدف و بيسعو اليه
ويكأنهم بالظبط في مهمة مستحيلة

و يجعله عامر
:)

يسر .. لا عسر

ديننا دين يسر لا عسر

كم هو رحب

كم نحن بين ثنايا نعمة حرم منها الكثيرون في كوكبنا


سبحان الله و بحمده .. سبحان الله العظيم

موقف في كلمات 3

لم يكن لي سلطان للتدخل

لكن حمدا لله ان لم يبقي الوضع علي ما هو عليه

لسه واخد بالي من شوية بس

لأنكم تستحقون .. و ان كنتم لا تعلمون

هناك اشخاص بحياتنا

قد نفقدهم

و حينها

حينها فقط

سنذرف دمعا


يعقبه دمعا



يعقبه دمعا




يعقبه دمعا

قد لا يعلمون كم ملأوا حياتنا

فان كانوا

حينها
حينها فقط

سنذرف دمعا اكثر

اكثر فاكثر


فاكثر فاكثر


كلمة منهم

جملة عابرة

عبارة

امنية

حلم

خاطر

قد يعني اكثر الكثير في لحظة

و في تلك اللحظة


أن تكون مستعدا او فلتتحمل

قد لا ينتظرون منك الا هذه اللحظة


قد تشعر بتاثيرهم

و قد لا يشعرون

قد لا يعلمون البتة بانهم اثاروا ساكنا

و قد يعلمون


الاحلام

الاماني

قد لا نتواني لحظة عن البحث لهم عنها

و ابتسامتهم تكفي

فنحن نعلم انها تكفي

نحن نعلم و لكن لا يعلمون


هم ابطال حياتنا
فاقوا القصص و الأحاكي

هم ابطال اليوم و كل يوم

و ان لم يظهروا في كل الفصول

فمقام الابطال
من مقام الاساطير

اساطير تسكن حياتنا

قد لا يكونوا كذلك الا فيها

و نحن نعلم ان هذا يكفينا

هناك اناس فاقت معادنهم الذهب

تعدي أثرهم الافاق


في مخيلتي ستظلون

و في قلبي محفورون

و لن يمحو الزمان محاسنكم

ارتضيتكم لنفسي في عالم مثالي اعيشه

قد اكون فيه وحيدا

و لكن اشاهدكم به تسكنون


لا يوما أذرفتم دمعا

ولا أعقبه دمعا

ولا يوما تندمون

Upcoming life (1)

كل ما اشوفك اقول
لأ مـش معقــــــول