AUC

A New member has joined The American University In Cairo

elhamdolellah

:)

Joining the School Of Business,

To gain the heighest professional education available in the field of Human Resources in Egypt and probably the heighest in the Middle East

انا مش متخيل شعوري حيبقي عامل ازاي لما حاكون طالب للعلم من تاني في الجامعة من بعد ما اتخرجت من صيدلة

^_^

بس اللي متاكد منه ان حيكون في اختلافات محورية

منها ان المرة ديه انا متشوق للحصول علي العلم

علي عكس قبل كده كنت ما باصدق اخلص الامتحان عشان ابقي ناجح والسلام

منها ان المرة ديه الدراسة حتكون لمدة حوالي سنة

علي عكس المرة اللي فاتت كانت 5 سنين

منها ان المرة ديه الدراسة حتكون معتمدة دوليا

علي عكس المرة اللي فاتت مكانتش معتمدة من اي حد غير احنا ذات نفسنا

منها ان المرة ديه الدراسة في مكان بيحببك في الدراسة: الا وهو الجامعة الامريكية

علي عكس المرة اللي فاتت كان المكان بيكرهك في اي حاجة برا الصندوق: الا وهو جامعة اسكندرية

منها ان المرة ديه حيبقي عندي مشروع تخرج

علي عكس المرة اللي فاتت عمرنا ما عملنا في الكلية مشروع تخرج

منها ان المرة الديه الدراسة حتبقي دبلومة

علي عكس المرة اللي فاتت الدراسة كانت بكلوريوس

منها ان المرة ديه الدراسة حتبقي علي 3 ترمات

علي عكس المرة اللي فاتت كان اي سنة بتتكون من ترمين

منها ان المرة ديه الدراسة حتبقي يوم في الاسبوع

علي عكس المرة اللي فاتت كنت ساعات باروح اسبوع وساعات لأ

:))

منها ان المرة ديه الدراسة حتبقي في القاهرة

علي عكس اي مرة فاتت كانت الدراسة في اسكندرية

 

منها ان اغلب اللي كانوا بيدرسوا معايا قبل كده كانوا طلبة

منها ان اغلب اللي حيكونوا بيدرسوا معايا المرة ديه بيكونوا مديرين ف شركات

...

استلمت كارنيه الكلية وحابدأ الدراسة يوم السبت 8 سبتمبر باذن الله

لمدة حوالي سنة

 

بس اللي يمكن مش متخيله هو شعور المحاضرات، وشعور اني حاتخرج تاني السنة الجاية باذن الله

:)))

وبهذا اجمع بشكل عملي بين 

Medical Background

&

Business Background

انا متفائل بالسنة الجاية في كل حاجة

وان شاء الله تكون سنة حصاد

27/6/2012

اجعل لسانك طاهرًا

ولد

حدث أنه


كنت راكب جمب الشباك وكان راكب جمبي ولد صغير

اظنه في ابتدائي

وكان بياكل شيبسي ومولتو

^_^

الموقف بدأ لما خلاص أكلهم

وجه يمد ايده عشان يرمي كيستهم من الشباك اللي جمبي

فقولتله هذا الحوار المختصر

:

لالالالا


كده حناخد ذنوب

ايه رايك نستني لحد ما ننزل ونرميهم في المكان بتاعهم؟

طب انت عارف انك كل ثانية حتخليهم في ايدك لحد ما ننزل ونلاقيلهم مكان حتاخد عليهم حسنات، تخيل بقي حتجمع ثواب قد ايه لحد ما تنزل

...

في البداية والدته اتجهت براسها ناحيتي لما سمعتني باقوله لا لا لا
:)

بس هو اخد الكيس مني فعلا وخلاه معاه يمكن اكتر من تلت ساعة لحد ما نزل
^_^


السؤال بيقول
:

انا حبيت احببه في انه يرميه في مكانه ويحتفظ بيه لحد ما ينزل .. فقلتله علي موضوع انه في كل ثانية بياخد حسنات لحد ما ينزل .. يا تري ايه موقع الافتاء ديه من الاعراب؟ انا كنت بافتي مش كده؟
:)))

:D


28/6/2012

الا اذا ارادوا هم

The Quote of "IF"

^_^ صورة

لذيذة الصورة ديه، عجبتني 

:D:D:D

ومن لم يجعل الله له نورا

الحمد لله .. الشكر له وحده


اللهم آت نفوسنا تقواها وزكّها أنت خير من زكاها، أنت وليها ومولاها. اللهم ألهمنا رشدنا وقنا شر الشيطان وشر أنفسنا، ولا تكلنا إلى أنفسنا طرفة عين

اللهم رحمة اهد بها قلوبنا، واجمع بها شملنا ولم بها شعثنا ورد بها الفتن عنا. اللهم أغثنا، غيثاً هنيئاً مريعاً سحاً عاماً طبقاً عاجلاً غير آجل. اللهم أغث قلوبنا بالإيمان واجعله عوناً لنا على عبادتك وطاعتك


وَمَن لَّمْ يَجْعَلِ اللَّهُ لَهُ نُورًا فَمَا لَهُ مِن نُّورٍ
.

25/6/2012

نص بيضحك

تلك اللحظة التي تكون فيها فرحًا ومتفائلا من اجل مستقبل بلادك

ثم يقفز خاطر تخيلي من المستقبل الي عقلك ليجعلك قلقا حزينا لسبب خاص بك
!



بعدها تفتكر ان كله علي الله .. الذي بيده الاسباب كلها


وان مفيش في ايدك حاجة تعملها حتي لو اللي انت قلقان منه حصل


وان ليس في مقدور الاخرين الا تنفيذ ارادة الله فيك


فالانسان لن يتحكم في قرارات الاخرين الا اذا ارادوا هم 

...

لا اله الا الله

ربٌ يحب عباده

حنلاقي فين اله زي ربنا؟

الحمد لله

:)

باحبك يا رب

الله

لا اله الا هو، سيدنا محمد عبده ورسوله

علي الطريق

ساظل احارب

بدئا من جنبات نفسي

كي استحق ما اريد

وأتأهل لما اصبو اليه

وكلما قابلتني عقبة

ساقفز من فوقها

فهي عقبات الدنيا

ومن طلب عُلا نفسه

اجتهد الليالي

فلن أذوق عسلًا

حتي العق الصبرا

وأنا بالمرصاد

 وسأنتصر

باذن الله

فالله المستعان

وانما النصر من عند الله

.

كن انت

كن انت التغيير الذي تريده للعالم

كن خليفة الله في الارض

كن من المصلحين

أبيس التمانيات

صرت اشعر بانه عار علي الانسان الذي حباه الله بالنعم الا يحاول الاحتكاك بالطبقات الفقيرة في المجتمع

من خلال المشاركة بالخير كيفما استطاع ولو باقل وقت وجهد

خاصة اذا كانت الزيارات ميدانية من خلال احدي الجمعيات الخيرية التي تملأ المحافظة

فنحن الذين في حاجة الي الاحتكاك بهم اكثر من حاجتهم هم الينا

كم نحتاج حقا الي عدم نسيانهم ومشاركتهم الخير والثواب

ولو مرة كل حين

يكفينا ان نري ونتعظ من سوء اوضاع عائلات فقيرة كثيرة فنحمد الله علي ما نحن فيه من نعم قد قاربنا ان نظنها شيء عادي

هذا عوضا عن تزكية انفسنا وحتي نسعي نحو ترقيق قلوبنا نحن في سبيل الايمان

..


لم اكن اتخيل ان بالاسكندرية مناطق ريفية ربما أسوء حالا من العشوائيات

ولكنها رغم ذلك تمتليء بالرضا

مثال من كلمة واحدة
:

أبيس
!


بامتداداتها الثمانية
!

كل الظروف

من يتوكل ويسعى بصدق خلف { هدفه } .. ستسانده كل الظروف للوصول إليه

Computer Pause Button (ll)

Kindly, be noticed that if there is an invention which allows us to take a rest from using computers if we exceeded a limited time per day, it would be a life-changing invention!

جربت اني اخد بريك لمدة يومين تقريبا من الكمبيوتر

عن طريق اني تعمدت اني اسيب اللاب توب بتاعي في المكتب برا البيت بحيث ارجع البيت مالاقيش لا كمبيوتر ولا نت لمدة كام ليلة

^_^

والصراحة كانت تجربة رائعة

:)

شجعتني اني اعمل حاجات مفيدة كتير كنت ممكن اكسل اعملها لو الكمبيوتر كان موجود جمبي

رجعت لقراية كتاب كان نفسي اقراه

وبقيت باساعد في البيت بشكل اكبر في الاعمال المنزلية في اليومين دول والمشواير

ده غير اني وقفت شوية في الصيدلية بعد انقطاع طويل 

=))

ونزلت مشوارين تلاتة كنت مأجلهم

واتصلت بكام حد 

واتفرجت شوية علي التلفزيون وعرفت ايه الاعلانات الجديدة

^_^

واستريحت شوية

:)

مجرد يومين من غير كمبيوتر او نت حيكونوا كافيين لاحداث تغيير ولو بسيط للافضل في حياة الانسان اللي اتعود انه يدمن الجلوس امام شاشة الحاسب الالي

وبيخلوا الانسان يدور علي حاجات مفيدة اكتر ومتوجعش العينين او يتعلم حاجة او مهارة جديدة

ليه متجربش في مرة وتحكم بنفسك؟

:)

لنهدينهم سبلنا

وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا

فَاصْبِرْ إِنَّ وَعْدَ اللَّهِ حَقٌّ وَلَا يَسْتَخِفَّنَّكَ الَّذِينَ لَا يُوقِنُونَ

فَمَا وَهَنُواْ لِمَا أَصَابَهُمْ فِي سَبِيلِ اللّهِ وَمَا ضَعُفُواْ وَمَا اسْتَكَانُواْ وَاللّهُ يُحِبُّ الصَّابِرِينَ

سَلامٌ عَلَيْكُمْ بِمَا صَبَرْتُمْ فَنِعْمَ عُقْبَى الدَّار

وَبَشِّرِ الصَّابِرِينَ

صـُـــداع

ما أسوء الصداع

!!

كأنه عَطَلَة علي الفاضي والوقت متدربك ومش مستحمل تاخير زيادة

لا منه مخلي الواحد يعرف ينام

ولا منه مخلي الواحد يعرف يركز في حاجة مفيدة ولا يفكر

الصداع

آآآه منه

:(

British

سويعات ويمضي بي الطريق الي أمسية تذكارية داخل منزل السفير البريطاني بجاردن سيتي

أظنها ستكون تجربة مميزة

:))

البحث عن اليقين

رحلة البحث عن اليقين

أو

متعة البحث عن اليقين

كما سميته أنا

كان ذلك هو عنوان كتاب الدكتور خالد أبو شادي

كتاب مميز حقًا ترك في وجداني بصمات

سأنقل بعضها هنا في الفترة القادمة من وقت الي اخر كلما استطعت

الــيـــقـــيـــن

:)

الحمد لله رب العالمين

مزيج

حين تقف علي الكورنيش متأملا البحر
فيمتزج الليل .. بالبحر .. بالشاطيء .. بصوت ارتطام امواجه .. وبرائحة القواقع .. وبحركة الرمال .. بنسيم اليود المميز .. ثم يمتزج كل هذا بك في النهاية .. فيصنع مزيجا خاصا يعصف بخواطر كل فرد يقف هناك لينهل من روح هذا البحر الواسع


البحر .. هو سحر الاسكندرية .. او سحر اسكندراني


7/06/2012