حتعمل ايه لو نمت يوم وصحيت ..
بصيت ..
وشفت نفسك في المرايا بكيت .....
جواك سؤال تصرخ تقول أنا مين .. أنا مين ...
أنا زي ما أنا ؟! ولا اتقسمت اتنين ...
وبعدين ..
بعدين قول ياللي في المرايا ..
فهمني ايه الحكاية ..
فرحان . تعبان . مرتاح . ندمان ...
حاجات كتير في حياتنا ...
اتسببت في حيرتنا وأدينا عايشين.راضيين ..
جايين .. ورايحين .......
حتعمل إيه لو نمت يوم وصحيت ..
ولقيت أقرب ما ليك في الدنيا مش حواليك ....
هو أنت مين اللي عمل كدا فيك . كدا فيك ..
مش أنت ؟ ولا في حد غمّ عنيك !!
وبعدين ..
بعدين قول ياللي في المرايا ..
فهمني ايه الحكاية ..
فرحان . تعبان . مرتاح . ندمان ...
حاجات كتير في حياتنا ...
اتسببت في حيرتنا وأدينا عايشين.راضيين ..
جايين .. ورايحين .......
16 COMMENTS:
حتعمل إيه لو نمت يوم وصحيت ..
ولقيت أقرب ما ليك في الدنيا مش حواليك ....
هو أنت مين اللي عمل كدا فيك . كدا فيك ..
مش أنت ؟ ولا في حد غمّ عنيك !!
^_^
اختيار البوست يدل على احساس راقى
مش جديد عليك يا دكتور
مبروك رجوعك للتدوين
:d
هييييييييييه عندنا زائر للبلوج يا بشر
^_^
احم . اصل بقالي كتير مشوفتش حد بيعدي من هنا
:d
ميرسي ده من ذوقك
الله يبارك فيكي
:)
انا عديت مليون مرة لما خلاص قلت مفيش أمل
وحضرتك قعدت مدة طويلة مش بتكتب وترجع تقول ما شوفتش حد بيعدي هنا !!!
ينفع كدا ...
دا تسيب يا د\ نجم ...تسيب واستهتار
المهم
:::
حلو البوست
بصراحة مش اوي
لأنه بامانة
رااااااااااااااااااائع
ما شاء الله
هو مين اللي المفروض يقول لمين اللي في المرايا يقولك وللا أنت تقول للي في المرايا؟!!!
مش عارفة سؤال يحتاج لجواب
؟؟؟
اه نسيت
مستنية حضرتك تنورني في بلوجي باذن الله بعد التجديد
وتقولي رأيك
قريبا بإذن الله
:)
Ya Welcome Ya Welcome
البلوج انواره بدات تضيء الواحدة تلو الاخري
:)
و يتهيالي ان اللي في المراية هوا اللي المفروض يقوللي لاني لو كنت اعرف السبب مكنتش رحتله
;)
انا جيت ازور البلوج لقيت
This blog is open to invited readers only
بقي ينفع كدا ؟
ده تسيب
:p
نجم باشا
منور بلوجك و الفضاء التدويني كله
مبروك عودتك للتدوين
:)
بوست جميل
و مليان حاجات كتير الواحد مش عارف يقولها
انا ملاحظ كمان ان البوست نفسه مش عارف يقولها
^_^
بس دة العادي
الانسان هو الأكثر تعقيدا
يمكن من غير الانسان ماكانش يبقى في عقد اساسا
في انتظار جديدك
يا د\ نجم أنا قلت "قريبا"
دا تسيب فعلا
:D
تم فتح البلوج ومستنية حضرتك تنورني
:)
ومتهيألى أن اللي في المرايا عمره ما هايملك الجواب
أقف كدا قدام المرايا وحاول تشوف عينيك الاتنين هاتقدر لا يمكن ومستحيل
يبقى عمره ما هايقدر يقولك الحقيقة كاملة
لأنها جواك مش في صورتك هاتقدر تعرفها وللا لسه صعبة وللا هيا زي السراب مش بنلمسها ولكن بنشوفها منعكسة على حياتنا تصرفاتنا افعالنا؟!!
ها عندك جوا وقولى رأيك:)
-أنا من زمان ما رديتش يا ناس أستحملوا لكّي :) -
تقبل مرورى وبانتظار تشريفك
:)
نجم باشا
بوست جميل بجد
بس ليه ديما احاسيسك تدل على الحزن
و الا البوست لا يدل على حالتك
يعنى هى لو الحكاية ان الكلمات عجبتك يبقى الله ينور
لكن لو دى حالة معينة يبقى لا بلاش الجو ده
و على فكرة انا بعدى هنا على طول
بس انت اللى مش بتداوم على تنزيل حاجة جديدة يا ريس
احساس مؤلم
@ al azif :-
الله يبارك فيك
و كان نفسي بداية العودة متكونش علي حاجة سلبية :(
في ناس قالولي ديه اقوي كلمات قريناها حتي دلوقتي
انا عن نفسي الجزء اللي بيعجبني فيها حتة
بصيت لنفسك في المرايا بكيت
منورنيييييييي
@ death :-
امممممممممم
يتهيالي المرايا زي الصديق القريب او من يملي علينا التنبيهات من الحاجات اللي احنا مبناخدش بالنا منها لان محدش بيشوف نفسه
كمثال : لو مكنش في مرايا مكنش حد حيعرف يسرح شعره
^_^
وصل المقصود ؟
@ مواطن مصري نايم :-
ربنا يخليك يا باشا
للاسف ديه كانت حالة انا عشتها وقت تنزيل البوست و لقيته بيعبر عنها
حاحاول ابعد عنها علي قد ماقدر
@ أمير الأحزان :-
للأسف
بس مفيد
!
ممممممممم
بس برضه انا مصرة انها هاتقولك الحاجات اللى انت ماخدتش بالك منها اه بس هاتقولك الحاجت اللى انت اخترت تاخد بالك منها ولكن مش كل الحاجات اللى انت ما اخدتش بالك منها لأ اللى اخترت تاخد بالك منها لأنه الصورة دي أنت بس من الناحية التانية بس فقط لا غير
حد فاهم حاجة
!!!
*_*
:D:D:D
Post a Comment