2 x 1

 

خاطرة محبتش أنساها فكتبتها

ان لون البمبي للحبر الفوسفوري اللي ظهر علي صوابع ال 18 مليون مصري اللي نزلوا صوتوا يوم 19 مارس في جميع أنحاء الجمهورية هوا لون مميز جداً ومناسب جداً لما بعد الثورة لسببين

:

الأول: هوا لأن ديه أول تجربة ديمقراطية بين الشعب وبين مصر .. فيا محلا ان البداية كان رمزها لونه بمبي وفي قمة الصفاء والمودة اللي سادت بين الناس في اليوم ده علي اختلاف الطوابير وعلي اختلاف الشمس والظل .. هيا نوعا ما محدش ينكر انها تجربة رومانسية في الديمقراطية

:)

الثاني: هوا لأن اللون ده قريب من الأحمر فحيفكرنا بالدم اللي دفعه شهدائنا في الثورة رحمة الله عليهم عشان نقدر نحط صوابعنا جوا الحبر الفوسفوري بعد ما الشعب أخد حريته فكل ما نبص لصوابعنا في الانتخابات نفتكر ذكري التضحية اللي بسببها بنعمل اللي احنا بنعمله ده

كل 19 مارس وانتي طيبة يا مصر