الحلم التاني :)

سبحان الله

:)

النهارده حلمت بأيام ما والدي كان بيكتب لوالدتي الخطابات بالبريد في غربته وهما مخطوبين


وحلمت اني لقيت رسالة منهم علي وش ورق في الدرفة الشمال من دولاب ذكريات وقعدت اقراها


الورقة كانت متطبقة مرتين
ولما فردتها
لقيت الرسالة مكتوبة بقلم حبر احمر
قعدت اقري
وحسيت بحاجات كتير من كلماته ليها ايامها
..
منها انه كان بيطمنها عليه وبيقولها اخباره ايه ووصل لايه هناك
وكان بيسأل عليها ويتطمن عليها


كان في كلمات متصلح فيها حروف وكان في كلمات متعاد عليها مرتين .. كأنه كان بيأكد عليها لنفسه قبل ما يكون بيأكد عليها ليها


ومازلت فاكر شكل الرسالة


ثم ها أنا صرت ابنهم وأكتب هذه الكلمات


: ) : ) : )