Ur meetings in the night dreams

احيانا في المنام بنحلم بناس عزيزين علينا


نقدر نقابلهم ونتكلم معاهم براحتنا بعيدا عن زحمة الحياة


بغض النظر عن الظروف المحيطة وصعوبتها اللي بتحاول تزغلل الانسان


ناس نحب نقابلهم و ان يتم اقتطاع نومنا عشانهم




-----------------

in an article I found:

I believe that those we have loved “visit” us in our dreams when we need them most. When we are dreaming, we are most open to their spirits and they can interact with us in ways they can no longer do during our waking hours.

-----------------

عندي حد عزيز عليا كنت باحلم بيه كتير وكنت باشوف تفاصيل كتيرة عنه في احلامي لفترة كبيرة
وبعدها انقطعت مقابلتنا في الاحلام من فترة مش صغيرة
وسبحان الله امبارح وانا في عز تعبي وراجع البيت متأخر مش شايف قدامي ودخلت نايم في سابع نومة ومش قادر افكر في حاجة
لقيتني حلمت وقابلته بعد زمن من الغياااااب
 وقعدنا قعدة طويــــلة اتكلمنا فيها في حاجات كتيرة قوي
الصراحة كانت قعدة تغني عن كل الفترة اللي فاتت اللي مزارنيش فيها في المنام كلها
كان لقاء ولا عالبال ولا عالخاطر بالنسبالي 
وأفضل شيء علي الاطلاق
اني صحيت وانا فاكر كل تفصيلة حصلت فيه
: )
 بالمكان بالالوان بالردود بالترتيب والكلام اللي حصل


وعمري ما باضيع فرصة زي ديه ف اول حاجة عملتها لما صحيت النهارده اني فتحت اللاب توب وكتبت كلمة كلمة من الحلم حصلت  في قسم النوتات علي الكمبيوتر عشان يقدر يشوفها


ثم كملت بقية يومي
:)




كلمتين
:


الحمد لله