عوائق

تعبت
تعبت من كتر المشاكل والعقبات والعوائق اللي بتظهرلي اثناء تحقيق الهدف اللي بقالي شهور شغال عليه انا وزمايلي

كل ما اقول خلاص اخر خطوة حتخلص الاسبوع ده او اللي جاي، يطلع حوار من تحت الارض يأخر الخطوة ديه كذا يوم .. لحد ماقربت احس ان ضربة البداية ديه فيها لعنة ومحلوف عليها ما تطلع طلوع طبيعي
:D

الموضوع بقي مرهق ومتعب والعقبات بقت مضحكة من كتر ما بقت بتطلع من تحت الارض

بس كل ما بتزيد، كل ما بحس ان الموضوع قرب يتحقق اكتر وان ربنا حيبارك اكتر من بعد كمية الامتحانات ديه، ويزداد توكلنا علي ربنا ان خلاص مهما طلعت من مشكلات فالواحد مينفعش يحسب نفسه جامد وذكي وحيحلها بنفسه غير بتوفيق ربنا وبركته فيزداد التوكل اكتر

وكل ما باضعف باصبر نفسي باحلامي وامنياتي اللي ممكن تكون متوقفة علي نجاح هدفي ده فارجع اتحمس من جديد
ماهو يالأمل يامفيش بديل
^___^
وانا واثق ان ربنا مبيضيعش تعب حد
بل ويزداد تفائلي كلما مضت الايام ولا يقل
وكل ماحس اني حاضعف

افتكر اغنية فتح شبابيك عينيك

:)

بس احلي حاجة بقي
ان اغلب المشاكل اللي حصلتلنا، بعدها بفترة كنت باكتشف ان ديه احسن مشاكل حصلت عشان يتحقق هدفنا
يعني باكتشف ايه الحكمة من ان المشكلة الفلانية حصلت
يعني الاقي ان لولا ان فلان اللي عايزينه يعمللنا شغل معين ملاقيناهوش
مكنش زمانا خدنا خبرة الموضوع الفلاني اللي خلت الجزئية ديه تتعمل بشكل احسن
كأن الواحد في اول مرة طلعتله كل المشاكل عشان ياخد جميع الخبرات اللي ممكن يكتسبها في كل حركة في المجال اللي احنا فيه ونتعلم منها للمرة اللي بعدها بس الفرق ان بقي معانا خبرة مظبوطة

أهي علقة والحمد لله والله المستعان
=))))))))))
دعواتكم
:D

14/8/2012