الهوايات

كلمة مهمة جدا

بس لازم يتلاقالها وقت في وسط زحمة الدنيا

والا

الانسان حيفتقد الكثير بجانب الروتين اليومي

وفي الهوايات ، تجديد للحيوات

لحظة .. من يوم موعود

طلب منها

ان يحضرا سويا حفلة موسيقية في الاوبرا

جلسا

اخذا يستمعان الي الالحان

خطر بباله ان يقارن بين الالحان وبين حبيبته

فوجد نفسه ما عاد يستطيع التفرقة 

بين الحان تعزف علي المنصة والحان تسكن بجانبه

ترك كل شيء، و أمال وجهه، واكتفي بالنظر الي وجهها علي خلفية الحان معزوفة

فعرف انه ينظر الي افضل ما في الدنيا عبر تلك اللحظة

ثم نظرت هي ايضا اليه

فوجدته يتأمل ملامح وجهها

فابتسمت 

ثم عادت لتتابع الحان المنصة

وهي مطمئنة

فهي تعلم ان بجوارها من هو دوما يكفيها عن اي قلق في الحياة كلها

انتهت اللحظة

:)

Ski Dubai

رغم ان دبي مدينة خليجية ذات مناخ حار

الا ان داخل مول الامارات، في مشروع كامل لمدينة ثلجية

!

عن "عز السقعة في عز الحر" أتحدث

:D

الصراحة .. الناس ديه بيعملوا حاجات تغيظ

=))))

بس علي حد قولهم ان نفس المدينة حتتعمل في القاهرة باسم

Ski Cairo

قريبا

:))

Dubai

كلما سألني أحد عنها

أرد قائلا

انها المدينة اللامعة

هذه حقيقة

كل جزء فيها يلمع صباحا ومساءا

صباحا نتيجة انعكاس اشعة الشمس علي اسطحها الزجاجية

ومساءا نتيجة انظمة الاضاءة الخاصة بكل برج من ابراجها وناطحات سحابها

فقد تفنن مهندسوا الابراج في وضع انظمة اضاءة خارجية تميز كل برج عن باقي ابراج المدينة

...................................

دبي؟

بلد فيها

System

يحترم الناس ويعطيهم حقوقهم

فكان من الطبيعي ان الناس تحترمه وترضخ لقواعده

وابسطها قواعد المرور

...................................

ملاحظة عامة أخري

كل شيء في البلد معمول

High Resolution

حتي اصغر اعلان

فالسمة السائدة هي الاهتمام بالتفاصيل

لان المعايير مرتفعة

يعني من الاخر لو عملت حاجة اي كلام فحيبقي شكلها وحش في وسط كل حاجة حلوة

فلوحدك حتروح عامل حاجة حلوة تضيفها للبلد عشان تقدر تنافس بيها

وبكده بقت بيئة تنافسية تظهر الافضل من كل شيء

...................................

اللغة الرسمية هي الانجليزية عمليًا وليس نظريًا

فهي مدينة عالمية الجنسيات علي ارض اماراتية

عدد قاطنيها من الاماراتيين يكاد يمكن عده علي الصوابع

...................................

البلد تحفة

وتتميز بانها فيها مقدرة انها تبهر اي حد بيزورها بروعة العمران والنظام ووسائل الترفيه

ولكن

صعب ان حد يستحمل يعيش فيها لوحده فترة طويلة

اسكندرية احلي بكتير في الموضوع ده

هناك البلد كل واحد في حاله

فعشان متتجننش احسنلك متروحش هناك وحيد

والا حتكلم نفسك

:D

انا اللي نفعني كان صديقي سيمبا اللي خلي تواجدي هناك لمدة اسبوع له طعم تاني الحمد لله

:)

...................................

أهم معالمها

الأكواريام

النافورة الراقصة

برج خليفة

برج العرب

مول دبي

مول الامارات

Ski Dubai

سفاري

السفن العائمة

Jumaira Beach Residency

Dubai Marina

Atlantis

The Palm

...................................

خلاصة شخصية

:

ان مكنتش حازورها تاني عشان شغل مستقبلي ان شاء الله تبع بوصلة او تبع الاتش ار

فلازم حتتزار تاني مع زوجتي باذن الله

^_^

2 after 1

حاجتين كنت عايز اعملهم ساعتها بس اتاخروا وحصلوا بعدها في وقت احسن الحمد لله

^_^

الحاجة الاولي

هي شهادة الاشراف

كنت ماشي في خطواتها -اللي اصلا ربنا وفقني لمعرفتها بطريقة انا مش مصدقها لحد دلوقتي- من وانا في سنة تالتة كلية واتعطلت في خطوة من الخطوات لمدة طويلة قوي

وبعد فترة طوييييلة حوالي سنتين او يمكن اكتر

ربنا يسر واخيرا طلعت الشهادة

والحمد لله استلمتها في شهر 2 في توقيت خلاني افرح بيها اكتر بكتير من لو كنت استلمتها علي طول في سنة تالتة كلية ساعتها

فاللهم يا ربي لك الحمد ولك الشكر

:)

حاجة من الحاجات اللذيذة اللي لقيتها هناك وحبقي احكي عنها في بوست تاني لوحده

ان الناس هناك في النقابة بينادوا بعض بالشريف فلان او الشريف علان

فانا علي الحظ بالنسبالهم بقى لقبي الشريف شريف

:D:D:D

--------------------------------------

الحاجة التانية

في سنة رابعة صيدلة 

كان في مؤتمر الدوفات الصيدلي الدولي اللي بيتعمل في دبي كل سنة

وساعتها انا كنت عايز اطلعه ومستنيه

بس زمايلي عمر وسنباطي وادهم طلعوه وانا مطلعتش ساعتها

وكنت باحسب ان ديه كده نهاية موضوع الدوفات

يشاء ربنا ان بعد ما اتخرجت بفترة

يتاح ليا اني اروح واشارك في الدوفات

^_^

في توقيت انا فعلا في امس الحاجة الي اني اخد ولو يوم راحة من الشغل افصل فيه

ومش بس كده

لأ ده انا حاروح امثل مصر واتكلم عن مجلة بوصلة في المؤتمر العالمي ده

^_^

يشاء ربنا اني اسافر ان شاء الله بعد بكرة الجمعة صباحا لأتوجه الي دبي لمدة اسبوع واعود يوم الخميس اخر الاسبوع ان شاء الله الي الاسكندرية

دعواتكم بالتوفيق

^&^

-----------------------------------

وفي النهاية

سبحانك يا الله

رحمن رحيم

وكيل

:)