3 words

"الحزن ملهوش رجلين"
..


التفسير
:
أي أنه قادر علي زيارة الانسان في اي وقت ليهمس في اذنيه ويخبره ان جزء منه حزين مهما أنسته أحداث الدنيا ذلك
فتتوالي خواطر الرابط المشترك بينها هو مقدار الحزن
ليثبت ذلك الزائر وجهة نظره لهذا لانسان
ثم يرحل
بعد ان اتم مهمته بنجاح
واشعل شعور الحزن بالانسان ولو لعدد محدود من الدقائق في نهاية يوم من أيام الاسبوع


من منا لا يعلم تلك الحكمة .. ان الحزن ملوش رجلين؟
:):

:)

عن حسن الظن بالله يبدع

:)

سحر الدنيا

هو عنوان البرنامج الجديد لمصطفي حسني لرمضان هذا العام

حين شاهدت البرومو الخاص به تذكرت بريزينتيشن قد قمت بأدائها بها في وقت سابق

كانت بعنوان أفاتار

..

فالانسان يعيش داخل افاتار علي سطح كوكب الارض في عالم الدنيا

وكلما تناسي الانسان هذه الحقيقة

كلما استحوذ سحر الدنيا عليه لينسيه من هو وما هدفه

:)

صندوق الدنيا

كان صندوق الدنيا يستوي الأطفال كثيراً، فيشكلون الحلقات حوله كل حي، ويتدافعون برؤوسهم ليحظى كل منهم بإحدى فتحاته ليشاهد المناظر التي ترافق مايسرده صاحب الصندوق من قصص شيقة ومواقف مثيرة.


وكان بعض الأطفال يصنعون مصغراً لهذا الصندوق خاصة بعد أن تعددت المدارس وتوفرت الكتب المدرسية بين أيدي الطلاب. فكان الطلاب يجمع صوراً مختلفة من كتبه القديمة ويلصقها ببعضها عرضانياً حتى تشكل شريط طويلاً، ثم يأتي بعلبة من الورق بمقياس 20×30 سم تقريباً أو أصغر بقليل ويثقبها من طرفيها العلوي والسفلي أربعة ثقوب ويدخل فيها قطعتين من القنب أو الخشب المبروم، ويلصق طرفي شريط الصور على قطعتي القنب بعد أن يلفه على إحداهما، ثم يحكم إغلاق علبة الكرتون ليصبح الشريط بداخلها بعد أن يفتح وسط الغطاء ثقباً بقدر فتحة العين لتتم الرؤيا منه. وبذلك يصبح الصندوق جاهزاً.


يبرم الطفل إحدى قطعتي القنب فيدور الشريط من طرف لآخر، ويمكن مشاهدة الصور من الثقب المخصص لذلك. وعندما يعرض الطفل صناعته على إخوته ورفاقه، يقلد صاحب صندوق الدنيا فيبدأ بشرح الصور المعروضة وأحياناً يضع على ثقب الرؤيا ورقة شفافة ملونة لتصبح الصور المعروضة ملوناً.

------------------------------


ديه المعلومات اللي لقيتها عن صندوق الدنيا علي النت

انا يمكن فاكره نتيجة ارتباطي بذكريات بيه من خلال والدي

ومش عارف حتفتكروه او شوفتوه قبل كده ولا لأ

بس هو في الحقيقة كان بيلف شوارع مصر في فترة من الفترات زي الشكل ده كده





وكانت فكرته كانه بديل للتلفزيون

الاطفال او الكبار بيحطوا عينهم علي العين السحرية ويتفرجوا جواه علي كرتون وحواديت وساعات بيبقي في حد بيحكي عليها او اصوات شغالة معاها وبيحسسك انك بتشوف دنيا تانية من خلال العين بتاعت الصندوق ديه

عشان كده اتسمي الاختراع ده باسم صندوق الدنيا

لانه بيصحبك في عوالم اخري من خلال حواديته وقصصه وما الي ذلك

اساسا فكرة ان الواحد يحط عينه علي فتحة صغيرة يشوف من خلالها ، فالفكرة ديه في حد ذاتها بتدي شعور مختلف لكل حاجة بيشوفها من خلال الفتحة ديه

واقرب مثال علي كده هوا الكاميرا الفوتوغرافية

عارفين العين بتاعت الكاميرا؟ اللي لما نحط عيننا عليها ونركز من جواها عشان نلقط الصورة جوا المربع بتاع الكادر اللي بيطلع الصورة
^__^


طب حد جرب قبل كده يستخدم عين الكاميرا ديه بس في حاجة تانية غير التصوير؟

حد جرب تبقي الكاميرا مطفية بس يحط عينه علي عين الكاميرا يشوف من خلالها الدنيا حواليه؟

جرب لو انت برا البيت تحط عينك جواها وتتفرج من خلالها علي المكان اللي انت فيه


او جرب لو انت في البيت تمشي جوا البيت وانت باصص من خلالها بس
:)


الفكرة هي انك بتشوف الدنيا من خلال فتحة صغيرة بتختزل المجال الخاص برؤيتك فيها فبتبقي كأنك بتشوف الدنيا بمنظور تاني غير العادي وبتبقي الفتحة ديه هي المعبر او المنفذ بتاعك لرؤية الدنيا ولو لثواني معينة
^&^


نوع من التغيير وشعور كمان مختلف

انك تبص للدنيا من خلال عين غير عينك
حتلاقي للدنيا طعم مختلف
..

-------------------------

يمكن انا من المحظوظين اللي لحقوا الاختراع ده

نتيجة ان والدي عمللي واحد في البيت وانا صغير
!
^&^


حبيته قوي وكنت بالعب بيه كتير

وكان والدي عملها بقصص ميكي وبندق وبطوط

وكان معلمني ازاي اغير الحواديت جواها

لانها بتبقي ليها زي فيلم بيتركب جواها اللي هوا الحدوتة بطريقة عرضها

وليها الايدين اللي من فوق اللي بقعد ألفّ فيهم كل ما اقرأ الجزء اللي باينلي من العين

وباقعد اتخيل اصوات ومؤثرات صوتية واعيش جوا الضلمة بتاعت الصندوق اللي منورة عند الجزء بتاع الحدوتة

:)


-------------------------


محدش يستغرب بقي لو قلت اني حكيت الكلام اللي فات ده عشان اقول حاجة تانية خالص
:))

اني لما صحيت النهارده من النوم حسيت اني صحيت من صندوق الدنيا
:):):)


لاني حلمت احلام كتيرة قوي ومتنوعة في نومة واحدة

كان في حلم اكشن وحلم اجتماعي وحلم خيالي وحلم او حلمين كمان


انا اظن او اعتقد ان عند مرحلة معينة من النوم معدل الاحلام بيتغير

يعني كمثال للي اقصده، هو ان لو الانسان متعود ينام مثلا 8 ساعات

فممكن علي مدارهم يحلم حلمين او 3

لكن لو جه المنبه ضرب وراح طافيه وحاول ينيم نفسه ساعتين كمان

ففي الساعتين دول بيحلم احلام كتيرة ومتواصلة

لان عند مرحلة معينة بيكون الانسان في اقصي استعداده لاستكمال الاحلام او انه يشوف
احلام متعاقبة ومندمج فيها


وملحوظة جانبية

هي ان يمكن الموضوع ده بيحصل بدافع نفسي لما الانسان يكون متاثر بالدنيا بشكل ما ونفسه يفك عن نفسه شوية .. فساعتها ربنا يكرمه بنومة حلوة يعيش فيها دنيا تانية بحيث لما يصحي يكون ناسي خالص كل حاجة ويبدا يومه بنفسية جديدة
:)


بس اظن بردو ان مرحلة الاحلام الكتيرة بيبقي ليها وصف تشخيصي
يعني
بتبقي مرحلة من الراحة في النوم
بالاضافة للتشوق لاستكمال حلم معين او احلام ورا بعضها


عشان كده باسميها مرحلة الاحلام المركزة


وعشان كده حسيت اني كنت لسه صاحي من صندوق الدنيا
:)








يسعد صباحكم
^___^

رحلة اليقين - فيديو

كنت قد ذكرت انفا اني قد طفت بعض الشيء في رحلة الي البحث عن اليقين صحبني فيها الدكتور خالد ابوشادي بين طيات كتابه الرائع
ولكني ازددت تحمسا وطاقة وشغفا حين علمت بأن برنامج معز مسعود لهذا العام يكاد يكون هو ذات العنوان الذي لم البث ان اتركه
ألا وهو رحلة اليقين
:)
سانتظر هذا البرنامج باذن الله بفارغ الصبر
وادعوكم ايضا لمشاهدته
واليكم البرومو
^_^

كم عمرك؟ فأجاب عاما

تبدأ القصة عندما رأيت هذه الصورة اثناء تجوالي علي شبكة الانترنت
ومن خلالها قابلت هذا الولد
...
عندما رآني قد شردت بنظري في صورته تلك اخبرني من هو
أخبرني انه آثر أن لا يتحدث عن سره بالامس
فسألته كم عمرك؟
فأجاب أبلغ من العمر عامًا
فتعجبت من نفسي مخبرا اياه بانه يبدو كمن عاش اكثر من ذلك
فابتسم لي
وتنفس عبيق زهرة لديه احتفظت بعطرها منذ الاف السنين
فاذا بوجهه ترتسم عليه علامات سن اصغر من ما كان عليه
ونظر لي مرة اخري قائلا
أيشيب من لديه اكسيرا للحياة؟
قد ازيد من العمر عاما او عامين
ولكن هذا الرحيق قادر علي ان يجعلني
استعيد الايمان والرغبة في الحياة
فيجدد شباب روحي
ويوم ان تتفتح زهرتي
سانعم بالخلود
...
 

أفقت علي صوت هاتفي يرن فعدت من شرودي الي دنياي وانا أأمل ان تتحقق له هذه الامنية .. بان تتفتح زهرته يوما ما فيعيش الي الابد
.

سيدات اعمال

هي احداهن

من يطلق عليهن سيدات اعمال

ولكن الم تلحظوا مثلي ان تلك التسمية ينقصها كلمة في النهاية كي تكتمل؟

أجل

فهي تنتمي الي 

سيدات اعمال الخير

:)

او هكذا سميتها انا

تنتمي الي فئة اكتشفتها مؤخرا في مجتمعنا


فئة السيدات اللاتي ربما دخل ابنائهن الجامعة وانتهوا من تعليمهم
فصاروا يوجهون طاقاتهم تجاه مجتمعهم بافضل صور الخير


من تطوع ومساعدة وتعليم ووساطة في امور الخير بالاضافة الي التمويل والرعاية والدعم والمشاركة وامور اخري ربما يتسع المجال للحديث عنها لاحقا


هذا الفيديو الذي صادفته مؤخرا يتحدث عن احداهن التي تعرفت عليها قريبا
ممن أخذت علي عاتقها مهمة تحويل اولاد احدي المناطق العشوائية الي اولاد منتجين ذوي مباديء تفصلهم عن سوءات النمط المجتمعي الذي ترعرعوا به


اليكم هذا الفيديو
:

http://apps.facebook.com/tripwow/ta-0569-4064-80c8?fwo=1&st=fo_w_1338204453_820115412_fb-pool-b

قوانين الحياة