تهنئة خاصة وعامة

أن يعود الانسان الي يسر من بعد عسر لَهِي نعمة تستحق كل الحمد وكل الشكر من الله الرحمن بعباده الرحيم

ياربي لك الحمد كله ولك الشكر كله
يا من بيدك القلوب والأبصار
يا من تقول كن فيكون

كل سنة وانا طيب بمناسبة شهر رمضان الكريم
وكل سنة وانتم جميعاً طيبين

ربنا يجعله شهر خير وبركة و تغيير في حياتنا جميعاً للأفضل باذن الله

اوقات في الحياة

اوقات الحياة بتضلم

بطريقة الواحد يتعجب ليها

وكل ما يحسب ان ده آخرها

تفاجئه اكتر

يمكن المثل اللي بيقول
"المصائب لا تأتي فرادي"
صحيح بشكل ما مش كامل طبعاً

ويمكن مفهومه منقوص عند الانسان

اوقات كل حاجة فيها بتتقفل

لدرجة انك ساعة ما تكون مش لاقي مواصلة تروح بيها في ظروف سيئة لأقصي الحدود فتستني الترام! ولما سلامته يوصل المحطة تلاقيه فاضي وفيه اماكن .. ويقف في المحطة شوية .. بس من غير ما يفتح البيبان بتوعه .. وفي الاخر يمشي من غير ما يخلي حد يركب
!

او لما الكهرباء تقطع عن اسكندرية وانت في مشوار مهم مستني شغل يطلع

او لما علاقتك مع بعض الناس تتكسر بسبب ظروف ما يعلم بيها الا ربنا

او لما حاجات كتير اوي
أوي
أووي!
تلاقيها بتحصل واحدة بتسلم التانية

علي ديه دنيا

وفي كل ده انت بتحاول تعمل اللي عليك في وسط الظروف

بس متلاقيش غير ان تعليقك الوحيد قصاد اي حاجة يكون
"لا تعليق"
دانتا ممكن تكتشف مشاكل بالهبل في اوقات معينة وتستني اوقات تانية طول السنة مفيهاش مشاكل

الجرعات المركزة يمكن بتيجي لكل انسان علي قدر تحمله

حسيت ان الفكرة منها ان الانسان يتعلم ان مهما كان قادر علي التحمل فلازم يقتنع في الاخر ان ديه دنيا لو كان ناسي الحقيقة ديه

يمكن الجرعات المركزة من الظروف .. او المشاكل او الايام المعينة اللي بتكون بادئة من اول اليوم بشكل مريب تتمني معاه ان اليوم يخلص علي خير .. يمكن كل دول الشيطان بيلاقيهم فرصة رائعة لزعزعة مفاهيم او مباديء

يمكن دول اللي لولاهم الانسان حيعيش الحياة علي بساطتها ومينتبهش لكنهها اللي بتحاول تخليه ينساه في حالة انه عرفه

بس المشكلة ان الانسان من جواه ساعتها
للأسف ممكن ينطبق عليه مفهوم "أنا مش أنا"
لأن المشاعر السلبية تراكمها بيغذي الوحش الكامن اللي جوا اللي ممكن يسمحله بالتطاول او الغضب عند الامور ابسطها
لأن بيكون متشبع بكمية من الحنق تجاه الدنيا بشكل عام بكل ظروفها
وعشان كدا قولت يمكن الشيطان بيستني الفرص ديه من اي وقت لأي وقت لأنه شايف مناعة تحت الهجوم

في الحقيقة
الأمر اشبه بأسوء مشاعر سلبية لأن ساعتها تفكير الانسان مبيكونش في الطريق الصح ومبيكونش قادر يكون منطقي زي الاول
ولهذا فان الخروج من هذا الحال يكون هو الأمنية الاولي
حتي يعود الانسان الي حياته
الي الشخص الذي عرفه
الي هو
..

أحد الأيام

ندم علي لحظة لم تأتي ليعيشها
لأنه لم يفعل الا انه ترك جزءا منه يرحل وحيدا
عندها تغير لون عينيه والدنيا بلون رمادي عن ما كان عليه قبلها
الليلة الاسوء علي الاطلاق
لم يستحق ان يوجد هناك
أبداً

Break .. THere

علي أعتاب رحلة قصيرة مستقطعة الي الريف بعد عدد من الدقائق

علي غفلة آه

في وسط زحمة يمكن

وقتها غريب مفيش مانع

بس المهم ان اخيراً
Going THere
بعد انقطاع دام نحو السنتين او الثلاثة
:)

الحمد لله
بسم توكلت علي الله ولا حول ولا قوة الا بالله