BLOGGER TEMPLATES AND TWITTER BACKGROUNDS »

Tuesday 20 November 2012

يا فرج الله :)



تلك اللحظة

لما تبقي بتدور علي اسبونسر في اخر السنة بقالك اكتر من شهر ونص وتلاقي كل الشركات معندهاش استعداد في التوقيت ده تشترك   او بتكنسل معاك او بيأجلوا اشتراكهم لبداية السنة الجديدة

والموضوع شكله بيتعقد بقوة وحيتأخر جامد

ورغم كل ده .. مبتيأسش وبتقول ان شاء الله ربنا حيفرجها

رغم ان المعطيات كلها بتقول عكس كده ! .. وبتقول ان مفيش امل ان التكاليف تتغطي في ميعادها زي ما هو متخطط

وتنتهي كل الامال .. الا امل واحد

هو الامل في ان ربنا حيفرجها من عنده

..

منين؟

الله اعلم
!

..

ثم بعد شوية من السعي والتوكل علي الله

والشعور بانه حيفرجها من عنده

تلاقي شركة بتعرض عليك

 انها حتتحمل تكلفة الموضوع كله 
!!!
:)
مرة واحدة من اوله لآخره بكل تكاليفه
^_______^
وانها حتدفع تكلفة العدد التاني بشكل كامل



فتعرف ساعتها ان الله حق

و ان حتي لو كل الامال انتهت

ماعدا امل واحد

هو ان الامل في ان ربنا حيفرجها 

حتي لو مكنتش عارف الكيفية


..

فاحب اقول ان الامل ده كافي
:)

لانه أمل بمقام كل الامال مجتمعة

فهو الامل في مسبب كل شيء والقادر علي كل شيء

الامل في الوكيل
:)



سبحان الله

الحمد لله

لا اله الا الله

الله اكبر
:)


ومازلت اري معجزات الوكيل يومًا بعد يوم
:)
^_^

الحمد لله انه الله
!

الحمد لله خالق الامل والذي زرعه في نفوسنا
الحمد لله الذي يحقق الامال اذا سعي الانسان من حيث لا يحتسب

من حيث لا يتحسب

ويرزق من حيث لا نحتسب

الحمد لله
:)

Monday 12 November 2012

إدارة إستراتيجية


في اول مرة امتحن في الدبلومة أو تبع الجامعة الأمريكية

كان الامتحان عن اول مادة درسناها ألا وهي

Strategic Management

وكان بقالي فترة كبيرة مذاكرتش ولا امتحنت
:D

بس الفرق ان اللي حامتحن فيه هو حاجة انا 

interested

فيها

دونا عن حاجات كتيرة امتحنتها في حياتي قبل كدا

..

طبعا زنقت نفسي شوية في المذاكرة
:D

وكان حوالي تلت المادة بيتقري اول مرة في ليلتها
:D:D

صيدلة استايل
:D


واول حاجة عملتها زي مانا متعود هو اني قعدت اتامل في اسم المادة واهدافها 
:))

قعت افكر في كلمة 

Strategy

ومنشأ الاستراتيجيات

والكلمة ديه معناها ايه وظهرت ازاي

وايه اثرها في حياتنا

وعلاقة الاسلام بيها

وسيبت المنهج حبة حلوين
:D

وقعدت اكتب في خواطر عن الاستراتيجي
:D

وعن حاجات ملهاش علاقة بالاستراتيجي
:D

واحلي خواطر هي اللي بتطلع في نص المذاكرة .. قد ايه المذاكرة ديه ملهمة
:))


المهم
قعدت اتامل في ما حول كلمة استراتيجي حوالي ساعتين الا ربع
:D:D

وبعدها دخلت علي المنهج وما بداخله

..

المادة ديه باختصار معتمدة علي التخطيط الاستراتيجي وازاي حاجات كتيرة جدا بتتربط ببعضها زي الشطرنج
عشان تحقق هدف كبير الواحد عايز يوصله

وحابقي اتطرق في مرات جاية لخواطري عن الاستراتيجي في الدنيا واسلوب الحياة .. بالذات للاشخاص المتفائلة او الايجابية

.. 


نمت حبة صغيرين وصحيت عشان الحق ميعاد السوبر جيت

وقلت حاكمل مذاكرة في الاتوبيس

وفعلا بعد ما ركبت قعدت اذاكر شوية

لكن بعدها حصل مفاجأة
:D

شغلوا فيلم عربي جديد وأكشن
:D:D

طبعا معرفتش اركز وقررت اتابع الفيلم
هههههههههههههه

بعد ما وصلت الجامعة، انعزلت شوية زي مانا متعود في حبة الوقت اللي بيكونوا قبل الامتحان الفاينال عشان اركز في اللي اقدر عليه لحد ما ييجي ميعاد الامتحان

وكان امتحان يجيب صداع
^_^
تفكير كتير
وربط حاجات كتيرة

وحاجات مرتبطة بالتغيير وسياسة مصر وعلاقتها بتطبيق الاستراتيجيات

..

وكان في كام سؤال عايزين آرائنا لو اتحطينا في مواقف معينة في الشركات حنعمل ايه فيها

وانا ما صدقت .. افتكست كام فكرة مجنونة، وقلت يا صابت (والدكتور حتعجبه الفكرة) يا خابت

..

وقالولنا النتيجة حتكون متعلقة الاسبوع اللي بعده

 والنتيجة حتظهر تفصيلية لامتحانات الكويز والامتحان الفاينال

ومعاها التقدير الاجمالي

A
A-
B+
B
B-
C
F

----------------------

خلص الاسبوع وجه ميعاد السبت بتاع الاسبوع اللي بعده

وفي بداية المادة الجديدة كانت الورقة متعلقة بالدرجات لارقام الجلوس

وادور مابين اسماء الدفعة علي رقم جلوسي عشان اشوف نتيجتي

ومالاقيش رقمي
:))

فدعكت عينيا وقلت اقراهم من الاول تاني بتركيز
:))

ولقيت رقم جلوسي وشوفت نتيجتي قبل ما اسيب لنفسي فرصة تفكر في توقع

وطلعت جايب

90%
A-
الحمد لله والشكر لله
^_^

انا مش اللي فرحني اني جبت التقدير ده من بعد تقديرات الكلية اللي كان اغلبها جيد ماعدا المواد اللي كنت باحبها

لكن اللي فرحني فعلا هو درجة الامتحان الفاينال
:)

لقيت ان بعد الحل اللي مكنتش عارف نتيجته حتبقي ايه ، طلعت انا وواحد تاني بس اللي في الدفعة اللي جبنا اعلي درجة في الامتحان الفاينال
^&^

إظاهر كده الدكتور عجبه جنوني
:D

وكانت هذه ذكريات اول امتحان دبلومة 
او 
أول امتحان
AUC]

-------------


فرق كبير بين ان الواحد يعمل حاجة بيحبها ولو كانت صعبة
عن ان الواحد يعمل حاجة مبيحبهاش ولو سهلة
الاولانية هي اللي حتنجح

ودعواتكم بالتوفيق في باقي الامتحانات
:))
ربنا يستر
:D



Tuesday 6 November 2012

رسائل الي ابنتي .. التي لم انجبها بعد 3

الحياة

أي بنيتي .. فاني قد حدثتك سابقا عن الموت

وهذه المرة ستكون بداية حديثي اليكِ عن الحياة
!

ان الحياة لن تتحملي ان تعيشيها الا من خلال وبواسطة الحب .. حبك لربك ولرسولك ولدينك المليء بالرحمة من أجلك .. حبك لمن يعيشون حولك .. حبك لانسان ستستكملي حياتك كلها معه .. حبك للمباديء .. حبك لتجنب الشرور .. حبك للألوان .. حبك للمشاعر التي تشعرين بها بكافة انواعها .. حبك لهدفك في الحياة .. حبك لهداية الله لكي وترتيب الاسباب التي يسببها لكي في حياتك .. حبك لبلدك التي نشأتي بها .. حبك للبشر من حولك .. حبك لكل مادة وجماد من بعد حبك لكل نبات وحيوان وكائن حي يسبح باسم الله الرحمن الرحيم

حبك للعمل الصالح في الدنيا .. حبك لجزاء الجنة في الاخرة .. وحبك للمرحلة الانتقالية التي تنقلك من هذا لذاك :) فبها - مرحلة القبر - قد اصبحتي اقرب للجنة التي هي مبتغاكي واشتاقت اليها نفسك .. حبك لمن خلق كل هذا من اجلك .. حبك لان منحكي الروح والجسد لتكوني جزءا من حياتي انا وامك فنستطيع اسعادك .. حبك لمن منحكي فرصة التواجد في هذه الحياة الدنيا لتكوني مؤهلة لمعيشة نعيم دائم بالجنة في دار الاخرة .. حبك للذي هو مصدر الحب كله .. حبك لمن بيده الخير ومنه الخير كله .. حبك لله الرحيم الرحمن 
:)

فلتبدأي حياتك من جديد كلما قرأتي هذه الكلمات
..
وبماذا عساكي تبدأين حياة جديدة في ظل الحب الا ببسملة كل شيء التي تتضمن مفهوم الحب
"بسم الله الرحــمـــن الرحــيـــم"
:)

ذلك اليوم



كم حقا اشتاق ليوم

ساعود فيه منهكا من عملي

لاجد زوجتي تنتظرني في منزلنا

بابتسامتها

:)

فيبدأ يومي من جديد
!


5/11/2012

Monday 5 November 2012

وتلك الايام نداولها بين الناس


من 9 شهور

انا كنت مكان الراجل اللي في الصورة ده

واخد قرار بالاستقالة من اول شركة اشتغلت فيها في حياتي

سالتهم مطلوب مني ايه عشان استقيل

فمدير الاتش ار قاللي طالما اخدت قرارك هات ورقة بيضاء

واكتب ما في ما معناه

برجاء قبول استقالتي بداء من التاريخ مش عارف ايه وذلك لاسباب شخصية ورقم البطاقة والتوقيع واديتهاله عشان يمضي الموافقة  وقلتله تمام كده فقاللي تمام

فاخدت ورقة الاستقالة واتصورت معاها الاول وبعدها اديتهاله
^______^

وتمر الايام

ومكنتش اتخيل بالسرعة ديه يتكرر النهارده نفس الموقف تاني

بس بالشقلوب
!

محاسب معايا في الشركة كان بيعدي بمرحلة الاستقالة وكان بيسألني يعمل ايه

وجهزتله ورقته بالصيغة اللي يكتبها

وبعد ما كتب بياناته ومضي

اداني الورقة

عشان اوافق له (ك مدير) علي الاستقالة

ومضيتله

وخلصتله متعلقاته الرسمية

وانهيت معاه الموضوع

وطيبت خاطره ودعيتله ربنا يوفقه

...


عمري في المرة الاولانية

ما كنت اتوقع ان الدنيا حتلف معايا بالسرعة ديه
^_^

انا كان عندي حسن ظن بالله 

بس ربنا كرمه كان اكبر واسرع

مصداقا لامرين
ان الله عند ظن العبد به، فليظن العبد ما يشاء
ومصداقا للاية الكريمة
وتلك الايام نداولها بين الناس

حاسس ان ربنا في الموقف ده النهارده خلاني راضي وعوضني عن اول موقف لان نيتي فيه كانت صادقة

ومن بعد ما اول موقف كنت فيه اكاد اكون في موقف ضعف، ربنا خلاني اعيش نفس الموقف بعد حبة صبر بس وانا في موقف قوة

وكانها اشارة من اشارات ربنا في حياتي

ان الصبر والتوكل علي الله 

لا غالب لهما

وان الدنيا ديه في لحظات
ممكن ييسر ربنا للانسان اللي مكانش يتخيله حيحصل ازاي

وان كرم ربنا ملوش حدود

وحاجة كمان

ان وعد الله حق
:)

..

انا حاسس اني لحد دلوقتي مندهش 
:))

الحمد لله من قبل ومن بعد

حسبي الله لا اله الا هو عليه توكلت وهو رب العرش العظيم

الحمد لله الوكيل

تصبحوا علي خير
^_^
!

Dear Mom

في كام كلمة
:

ماما من بضع ايام، تتحدث عن أخي حسام علي التلفزيون
:)

الدقيقة: 9:58
:)


Simply, She is marvelous
^_^



ليلة وصباح


تلك الليلة التي نمت فيها علي فرح
 
لسبب في نفسي يعلمه الله
:)

واستيقظت في اليوم التالي لاتوجه الي امتحان لدي
 
وفي الطريق اصابني مزيج من مشاعر مختلفة مختلطة ايجابية

وحين انتهيت من المواصلات

كان الجو ممتلئا بالضباب في العاصمة الرمادية

ولكنني كنت في موود نفسي آخر

كنت اشعر بمحتوي من المشاعر الجيدة اريد ان انشره علي العالم حولي

فهذه المشاعر الحلوة التي خالطتني .. اشعر انها كتيرة عليا .. كثيرة علي ان تكون بداخلي انا وحدي
 
فاخذت افرغها في ان اكملت سيري في طريقي وانا احاول ان ابتسم لكل الناس .. يمكن حد يغير مووده لما يشوف ابتسامة في بداية يومه
^_^
 
وكم اردت ان امسك ميكروفونا من فوق اعلي جبل في القاهرة لاقول للجميع
أسعد الله صباحكم
يارب يكون يوم حلو عليكم
:)))
 
الحمد لله كان امتحان عجبني
:D