Dissertation times

"Baba, don't go to shoghl!"

I wish I could! At this time I have to rather than want to. :)

معادلات المشاعر

حسيت اني مضغوط ومتضايق، فالمرة دي جت على بالي متنفس البلوج زي زمان

النهارده كنت لقيت خريطة المشاعر دي، وسيبتها في تاب مفتوحة على الكروم عشان اشوفها بعدين، اللي لسه مجاش حتى كتابة هذا البوست

بس بشكل سريع بصيت فيها على 
Sadness

ولقيت ان اقرب حاجة اول واحدة في الليستة، واللي فحواها الشعور بالمعاناة من غير التفكير في المعنى الاسمى او الهدف اللي قد يكون مقترن بطريقها... يمكن يكاد يكون من السهل الممتنع ان الواحد عارف ان فكرة الغاية او النية او الحلم او أي حاجة بتعبر عن هدف بعيد واستحضارها في البال ممكن تهون الصعوبة اللحظية لما أجل ما هو أفضل بعدين.. بس رغم كده بننسى ده، وبنستوحش المعاناة مهما كان الهدف جميل بشكل ما.. يمكن لأن عضلات نفسية كتيرة بقالها فترة ماتدربتش على انها تقوي من امكانيات الواحد النفسية وعدم الاستسلام في وقت الزحام

هييييه دنيا

وكله مقدر ومكتوب

وحنعمل ايه اكتر من اللي نقدر عليه

:)

 

تحمست

 كنت تقريبا نسيت

وفي لحظة قولت هو فيه ايه تاني ممكن ازوره في الفضاء الاليكتروني غير مواقع التواصل الاجتماعي الكئيبة

فتذكرت ها هنا

انا سعيد اني افتكرت المكان هنا رغم اني مش متاكد اني ممكن ابدا ارجع اكون نشيط عليه زي زمان

الواحد بقى بيمتص الحياة ويعديها، بعد ما كان زمان بيكتبها ويبادر فيها

الواحد للاسف دخل في الدوامة وبقى في احيان مش قليلة، يمكن من كتر الارهاق، بيقوم بدور رد الفعل

امتى تروق الغزالة ونعود لنسود ونوحي لأنفسنا بأننا مازلنا الأقوياء؟

يومًا ما.. فليس الروتين بالشيء غير البغيض، ولابد في يوم ان ينقشع

ملحوظة

:

قعدت فترة ادور على كنت باضيف الصور منين من كتر ما المكان بقى شبه الاطلال
:D