التاريخ الاخير

وكانت دعواه ان اللهم اجعلها السنة الاخيرة لنا فُرادى

:-))

حلم محلمتهوش

النهارده حصل موقف أسعدني

:)

كنت قاعد على مكتبي في وسط الاودة الواسعة بتاعتنا ولقيت زميلة في مقام اخت كبيرة في الشغل، وكان بقالي فترة مشوفتهاش، جاتلي عند المكتب وقالتلي انها عايزة تقولي على حاجة بس برا المكتب.. قلت ممكن مشكلة مش عايزة حد من زمايلي في الاتش ار يسمعوها وهي بتحكيها

بس لقيتها ضحكت وقالتلي انا حلمتلك حلم حلو 

^_^

قلتلها طب لعله بشرى خير

:)

قالتلي انا كنت باحلم احلام كتيرة في اليوم ده في ناحية تانية خالص، ومرة واحدة شفت زي صورة

وفي كادر الصورة كنت انت على الشمال، وملامحك واضحة جدا، كنت قاعد على الارض زي بعد السجود، وكنت مبتسم

..

وكان على يمينك بنوتة محجبة، ملامحها مكانتش واضحة، بس كان باين انها جميلة وكنتم انتم الاتنين مبتسمين

:-)

سالتها مكانش في تاريخ على الصورة او اسم؟

:D:D

قالتلي لا 

:D

ثم طلبت مني ادعيلها على الفطار في المقابل ومشت

^&^

رغم انه مشهد مش حلم، بس اسعدني ان حد حلمهولي وان حد كان فرحان وهو بيحكيهولي

:))))

ملحوظة: الصورة ادناه هي اقرب صورة عرفت اوصلها للوصف اللي اتقال 

^_^