صدفة

عن تلك المرات

اللي ممكن الواحد فيها يلاقي انه بقاله كتير مبصش على صفحة على النت، وييجي مرة واحدة يعمل ريفريش فيلاقي أبديت بقاله كام ثانية

صدفة مش كده؟

عن تلك المرات اللي قريبة من نفس الاوقات اللي فاتت

اللي الواحد يعمل ريفريش تاني في يوم تاني يلاقي أبديت بقاله كام ثانية

صدفة تانية مش كده؟

عن تلك المرات اللي قريبة من الوقتين اللي فاتوا

اللي الواحد ممكن يعمل ريفريش لصفحة، مرة بعد اكتر من نص يوم فيلاقي 

3 minutes ago

صدفة تالتة مش كده؟

عن ان الحكاية دي بتحصل في الصفحة دي بشكل متكرر

صدفة رابعة مش كده؟

عن ان الواحد ممكن يبقى بيعمل حاجات كتيرة او بعيد عن النت بس ييجي على باله يلقي نظرة، فيلاقي جديد في نفس التوقيت

صدفة خامسة مش كدا؟

هل الصدفة التي تلي صدفة أخرى هي مجرد صدفة؟

فعلًا .. الصدفة هي التفسير الوحيد

^_^


NB. The best record yet is 3 seconds ago
:D

Interstellar

واحد من الافلام اللي لما بتخلصها في السينما بتبقى نفسك متتحركش من مكانك ويسيبوك تقعد براحتك لحد ما تفوق من الصدمة ثم تتحرك لوحدك بعدها من غير ضغط ان في ميعاد عرض تاني ولازم تقوم من الكرسي 

:D

في افلام باعتبرها

Mind Challenging Movies

اللي بتخلي دماغك تقعد تفكر.. مش بس اثناء الفيلم، لكن بعد ما بيخلص بكذا ساعة تلاقيك لسه بتفكر في اللي شفته

الفيلم ده من التصنيف ده

بس روعته مش بس في البصريات

مش بس في انه في علماء فلك شاركوا في السيناريو والبصريات

مش بس في الدراما اللي تستاهل اوسكار

لكن كمان في القضايا اللي اتناولها زي العالم ممكن بسهولة يوصل بينا لايه كمان عدد من السنين المليئين بجشع البشرية

زي البحث عن كوكب للمعيشة الانسانية

زي اعتمادنا على الروبوتات في الحياة، المرحلة اللي جاية جاية بس لسه مبدأتش

حاجات كتيرة ممكن حتحصل بس ياترى حتحصل قبل ما نموت ولا الاجيال اللي بعدنا حتلحق تشوفها

فيلم اظن انه حيبقى من كلاسيكيات او روائع السينما بعد كده لما سنة 2014 تتحول لماضي

بس محتاج قراءة كام فكرة فيزيائية صغيرة او فهم مبدأها عشان تقدر تستمتع بالفيلم في السينما وتبقى متابع ايه اللي بيحصل، متجمعين في اللينك ده
http://www.businessinsider.com/crazy-physics-to-understand-interstellar-2014-11

الشيء الاكيد من افلام زي دي
ان الواحد بيخرج منها حاسس انه محتاج يذاكر كتير ويشتغل اكتر.. عشان يقدر يعمل فرق في الدنيا دي

Another Dimension

Diving

Snorkeling

Swimming

كلها مترادفات لعالم تاني

عالم تحط ودانك فيه ووشك جواه وجسمك يختفي داخله فتصبح في معزل عن عالم البشر وضوضائهم ودنياهم

عالم عايش موازي ليك بس فيه من الابداع الرباني ما قارب ان يختفي من عالم من يفترض بهم ان يكونوا الخلفاء في الارض

عالم فيه من السحر والجمال ما يجعلك تنفصل عن مألوفات الحياة

عالم تنسى فيه الضغوط

عالم هاديء ملون تعيش فيه مخلوقات من صنع الله

..

رأس الشطئان: أكتوبر/2014، المرة الأولى للغطس ولن تكون الاخيرة ان شاء الله

;)