هل تعلم إن ممدوح فرج عد من واحد إلى مالا نهاية….رايح راجع مرتين ؟
هل تعلم إن ممدوح فرج ممكن يضربك بسرعة جدا لدرجة إنه ممكن يديك بوكس امبارح ؟
سرعة الضوء هي أعلى سرعة ممكن أي جسم يتحرك بيها…..ويستثني من القاعده دي ممدوح فرج
هل تعلم إن ممدوح فرج معندوش دقن لانها خايفة تطلع ؟
ممدوح فرج الوحيد اللى حل امتحان الانجليزى.. بآلة حاسبة
هل تعلم ان : ممدوح فرج الوحيد هو اللي نجا من عملية الإجهاض … وقتل أمه عشان فكرت تعمل فيه كده ؟
هل تعلم : لما اليكسندر بيل اخترع التليفون.. جالة تلات ميسدات من ممدوح فرج
هل تعلم إن ممدوح فرج ممكن يكتب بالالوان…بالاستيكة ؟
هل تعلم ان: ممدوح فرج اول من ذهب الى المريخ لذا لا توجد اى مؤشرات للحياة هناك
هل تعلم ان ممدوح فرج كسب فى لعبة بوكر.. بورق بوكيمون
جميع الارقام القياسية بموسوعة جينس مسجلة بأسم ممدوح فرج و الاسماء المذكورة تحتل المركز الثاني
هل تعلم ان نهاية العالم تبدأ بمجموعة حوادث كونية اولها (هاااااااى ) من ممدوح فرج
هل تعلم ان ممدوح فرج الوحيد اللى كسب لعبة كونكت فور بتلات لعبات بس
هل تعلم إن الوحيد اللى بيتكلم بطريقة برايل هو مممدوح فرج
هل تعلم ان ممدوح فرج اول من حصل على جائزة ستار اكاديمى.. باستخدام لغة الاشارة
هل تعلم انه يمكن لبعض الناس المشى على الماء لكن ممدوح فرج يمكنه العوم على اليابسة
هل تعلم ان ممدوح فرج شارك فى ماراثون و حصل على المركز الاول... و الثاني و الثالث
هل تعلم ان كريستوفر كولومبس كان بيدور على قارات جديدة علشان يهرب من ممدوح فرج
هل تعلم ان ممدوح فرج سمى تيمنا بنفسه
هل تعمل ان : ممدوح فرج بيهشتك ابنه…..وقع طيارة؟
هل تعلم ان ظل ممدوح فرج دائما يبعد عنه مسافة ١٠ متر خوفاً من الهوب سلام بتاعه
هل تعلم ان اللى بنشوفه فى التلفزيون مش ممدوح فرج دة مجرد صورة مجسمة مصغرة منه علشان يدخل الاستودوهات و كدة
هل تعلم انه اثناء تمثيل ممدوح فرج.. اذا استلزم مشهد ان يبكى الكابتن... يستعينوا بدوبلير
ممدوح فرج اخد علبتين اقراص منوم.. عينه بربشت
ممدوح فرج لو مثل فى فيلم 300 كان هايبقى اسمه 1
هل تعلم ان ممدوج فرج مش بتجيله ضربة برد.. دا ممدوح فرج هوا اللى بيضرب البرد
البحر الميت لقي مصرعه علي يد ممدوح فرج
ممدوح فرج يجيد كل الألعاب القتالبة من عريس و عروسة حتي المصارعة الرومانية و يجيد كل الإسلحة من بمب العيد و حتي الآر بي جي.. ممدوح فرج.. اطمن
هل تعلم انه يوجد نوعين فقط من البشر.. بشر و ممدوح فرج
********************
منقول من صفحة الكابتن ممدوح فرج
:-)
:-)
0 COMMENTS:
Post a Comment