مدرسة

وانا نازل الانتخابات النهارده

 كان مكان انتخابي علي حظي

هو المدرسة اللي جمب البيت

مدرسة كنت قضيت فيها سنة اولي اعدادي

يعني قضيت فيها سنة من ييجي 20 سنة من حياتي

بس السنة ديه كانت من حوالي 10 سنين

كنت بالعب فيها كورة في المدرسة

وكنت باقعد اخترع افكار اختراعات في حصة التكنولوجيا

واغني في حصة الموسيقي

واقرأ الدروس في الفصل في حصص القراءة والمكتبة

متخيلتش ان حيكون في يوم

بعدها في سنة .. اسمها 2011

حاجي انتخب الناس اللي يمثلوني عشان ينهضوا ببلدي بعد ثورة حتحصل في بلدي قبل ماموت

كان احساس مختلف وانا واقف طابور قدام نفس المدرسة

بس بدل عشان ادخل اتعلم كطالب

كان عشان ادخل ادي صوتي الانتخابي كعضو فاعل في المجتمع

ووانا طالع السلالم وبادور علي فصلي

بدل مادخل عشان ادور علي تختتي اللي باقعد فيها

كان عشان ادور علي ورقتي الانتخابية والمكان اللي حاخبي فيه صوتي وانا باكتبه

افتكرت قصيدة شعرية بمناسبة المدارس كتبها عمر طاهر

قلت اشارككم معايا فيها

:

http://www.mediafire.com/?3cxbb3fevry8f8k