شائت الاقدار

أن تكن هذه المرة الاولي التي لا اتمكن فيها من حضور ايفنت للاسرة

كان هذا علي عيني

حزنت لهذا الامر منذ علمي بتعارض المواعيد السخيف الذي حدث ليمنعني من الحضور برفقة اصدقائي و احبائي و منهم من هم بالفرقة الرابعة الذين لم تجمعني بهم رحلة من قبل و قد لا يجمعني بهم رحلة من بعد

ذهبوا الي هناك و سافر جزء مني معهم
و بقي الاخر ليحضر ليمكث في المدرج و السيكشن

قبيل الرحيل بعدة دقائق عزمت ان اسجل بعض الكلمات في مدونتي

ذاهب مع الرفقة الصالحة الي اقاصي مصر لنرفع علم شباب صح عاليا باذن الله قدر ماستطعنا

كام يوم في بعد عن الشبكة العنبكوتية و ماشابه من طرق الاتصال

استودعكم الله حافظ الودائع

أعزكم الله و هدانا و اياكم الي ما يحب و يرضي

دعواتكم

7000

الابلكيشن ده انا كنت حاطه من اول آخر مرة عملت فيها التعديلات علي المدونة

و خلاصة القول اني لقيت النهارده هوا اليوم رقم 7000
! ! !

يعني اليوم فقط أصبح عمري 7000 يوم بالتمام و الكمال

اصابني شعور الاندهاش اكتر من اي حاجة تانية

لان ده معناه ان عدي عليا 7000 شروق و 7000 غروب
...

ساعات الواحد بيستصغر نفسه علي سبيل المجاز و انه لسه موصلش 20 سنة

بس ده كل يوم من ال 7000 دول يعتبر صفحة في كتاب حياتي
!

اكيد في صفحات متتنساش ابدا و نفسي ارجعلها

و صفحات محيت و كانها لم تكن

ذكريات اول سنة من العمر لا اعلمها الا من خلال الصور او شرائط الفيديو

و الثانية تشبهها بعض الشيء

الثالثة اذكر منها رؤي العين بعضا من الذكريات

ولادتي في الاسكندرية

سفري الي السعودية

عودتي الي مصر و دخول الحضانة

مرحلة الابتدائي الذهبية

مرحلة الاعدادي الفضية

مرحلة الثانوي الملونة

اعدادي صيدلة النادي

اولي صيدلة المحن

ثانية صيدلة اكتب سطورها علي ارض الواقع

خطوط طول و دوائر عرض يتم تصنيف الماضي من خلالها


اسئلة كتير بردو جت علي بالي علي شاكلة

هل كنت ممكن اعمل اكتر من اللي عملته ؟

ماذا لو كان اليوم هو يومي الاخير ؟

هل سرحت كتير عن طريقي ولا اقدر اقول ان حصل فيه تغيير اولويات ؟


و احيانا تتقاطع الاجابات مع تفكير هل الانسان ميسر ام مخير و اتفرع لتفكير تاني


علي كل حال
انا باعتبر النهارده يوم مميز
و اعتقد اني حاعمل كذا حاجة بنائا عليه


بس هوا ليه الحضارة الفرعونية بيقولو انها 7000 سنة ؟

:D

مـــحـــرم بـــــــك

لطالما احببت هذه البقعة من عروسة مدن البحر المتوسط ...

أحببت شوارعها – حاراتها – أزقتها – محلاتها – أطفالها – أهلها – ناسها ...

أحببت السير في حواريها لمجرد متعة السير فيها ...

يكفيك أن تنظر في عيني كل من تمر بجواره لتعلم السر الكامن بداخلهم ...

أشعر بأصالة مدينتي هناك و أتحين فرصة زيارة جدي و جدتي لأجل أن تحظي عيناي بنصيب وافر من النظر الي هذه المنطقة و النظر الي عيون قاطنيها و ساكنيها ...

رُغم حبي لحيّ سكني – ميامي – حتي أنني لا أدللـه إلا بـ

MiaMy BeaCh

إلا اني بت اراه مناسبا كل التناسب لمتطلبات مرحلة الشباب و الجامعة .. و لكن ان تعلق الامر بالسكن الدائم في ظل حياة أسرية مستقبلية .. أعتقد أنه لو توافرت الاختيارات فلم لا أعيش بمحرم بك ؟ : )

شم نسيم سعيد :)

كل سنة وانتم طيبين و كل سنة وانتم مقضيين شم النسيم في وسط الطبيعة الساحرة الخضراء حيث تتفتح الزهور لتنشر رائحة السعادة في الهواء الطلق

اعتدنا في مثل هذا اليوم علي خروج العائلات المصرية من موود الدراسة و ممارسة الاطفال لهواية الرسم و التلوين علي قشور البيض الابيض او البيض الاحمر اللي بيستخدموه كخلفية متلونة جاهزة

و لا ننسي اغنية الجو ربيع و الدنيا بديع و حنقفل علي كل المواضيع فقد صارت من السمات المميزة للقناة الاولي و الفضائية المصرية في يومنا هذا

علي كل حال

أهو يوم اجازة من الدراسة بغض النظر عن كيفية تطويعك له سواء بالخروج او بالرسم و التلوين او أيا كان

Enjoy Your Time!

إمضاء

أدمين الجمعية العامة لمرضي الزهايمر

: )

أبيات في البحر

كنت في انتظار واحد صاحبي علي الكورنيش عشان نروح من الكلية فعديت الناحية التانية و قعدت علي الكورنيش و اديت ضهري للكلية لغاية ما ييجي

و ايدي تسللت الي سوستة الشنطة و طلعت النوتة و القلم السنون

و اللي اتكتب كان هوا ده :-




أري نظر عيناي و قلمي شاهد

صفاء ما بعد صفوه صفاء

فالبحر ممتثل و مفترش

نقي كالزرقة في السمـــاء

تارك الدنيا و قاطنيها خلفي

و لست بمستمع إلي آلة تنبيه أو نداء

فكيف يترك فكري هذي الروعة

و يلتفت الي أي ممتثل هو وراء ؟

حتي الأشرعة البيضاء انطلقت

و تركت البحر يحركها كيفما يشاء

فمن ذا الذي يقدر علي مقاومة

ونيسك في الضراء قبل السراء ؟

ادنو و اجلس يا صاحبي

ولا تقاوم هذا الإغواء

فإن من لا تسحره الطبيعة

لهو ذاك الذي به داء

:)

الرومانسية المرهفة

New Family member

مش عارف ابدا كلامي منين
بس طبعا هوا ارتجالي و غير منظم البتة

الموضوع و ما فيه ان بقي عندي اخ صغير جديد علي العيلة

و كما قال المثل
جت بظروفها ديه حاجة كدا جت مش مترتبة

انا قولت يمكن نصيبي انه جه عشان يشيلني من الموود الإكتئابي اللي كنت عايشه النهارده

هوا ولد

و عنده شهر و نص

و حسابا يبقي بالتقريب كدا هوا اتولد في نفس اليوم اللي اتولدت فيه الا وهو يوم 25 ديسمبر

بيقولو عليه شيرازي
Moon face

و ياربي علي جماله
وشه سمح اوووووي
لدرجة اني اقترحت نسميه بدر
في كل الاحوال ماعتقدش اني حاسيبه يتجوز و قطة تاخده مني
^_^

و بكدا يبقي ترتيبه في عائلتي الصغيرة هوا التالت من بعد حسام تالتة اعدادي بس ان شاء الله ميطلعش شقي زيه
:)


شعور غريب و جميل في نفس الوقت

مش متعود اخ ليا يدخل اودتي من غير ماحس بيه و الاقيه واقف فوق رجليا مثلا ولا يطلع فوق سريري و يتمشي في الاودة كدا زي هارون زمانه
بس الحمد لله انه لسه متعلمش النط
^&^

بس في نفس الوقت فرحان بيه و عايز اربيه علي انه يكون قط صح
^_^

و حتي الان محتارين في تسميته

سالت اللي لقيتهم صاحيين من بعد ما رجعت في اقتراحات للاسم و آرائي علي آراء حسام علي آراء الناس اتجمعو في الليستة المدهشة ديه :

احمد علي اسم جده

حورس

لؤي

بدر

نور

كاتي

ميشو

مشمش

حمبوطة

كيشو

توم

حلمبوزو لاوي بوزو

فارمو

عنتر

نيسان ميو رانو < اسم ياباني

ابو فروة


: )



حد عنده اقتراح غير اللي فوق ؟
:D

My Star

looking in the sky
i found you there

you were like no other
your light was everywhere

despite the distance
and the whole atmosphere

I watch you in silence
and you may know that i care

I stray in our dreams
that we gonna share

because if you are the one
then i am ready to swear

that you are my coming life
no doubt never fear

no matter to raise my voice
until reaching every ear

If you are my one
that's a promise i declare

on the right time
everything would be clear

and all my hiddens
will in an organized way appear

I hope the dream goes true
and not being a nightmare

شوية شخابيط

شوفت جزء من احلامي بيتحقق في الاونة الاخيرة
و ده في حد ذاته بيمثللي
indicator
لحاجات تانية ان شاء الله تتم في السكة زي ما ده تم

و منها ان ليلة امتحان حقوق الانسان كنت في كارفور باشتري لاب توب
يمكن انا عن نفسي لسه مش مصدق لحد دلوقتي ان الظروف اترتبت بشكل ولا عالبال ولا عالخاطر و اني جبته
بس الواحد يقينه بيزداد ان لو مكتوبله حاجة تحصله
يبقي رغم لو كانت الظروف لا تدل علي ذلك اطلاقا ولا تعطي مقدمات منطقية
لكن سيحدث ذلك رغم انف العالم
فقط لأن الله كتب ذلك و قدّره و جعله نصيبا للفرد

//////////////////////////////////////////////

اللهم لك الحمد و الشكر
احببتني في الناس
و احببت الناس في

//////////////////////////////////////////

وجدت اجابات كنت بباحث عنها

و استرجعت احداثا شئت استرجاعها

//////////////////////////////////////

شلت من علي بالي حمل انا شيلته لنفسي لفترة كبييرة و سامحت عشان صفاء البال و الضمير

///////////////////////////////////////

تخيلت حوارا دراميا ثلاثي الابعاد و الاطراف و لكن الثقة و حسن الظن ساعدوني علي التخلص من تخيله

///////////////////////////////////////

حاسس ان لوقت من الاوقات ركبت آلة الزمن و عشت في مستقبلي و شوفت ملامح منه و رجعت للحاضر و بقت بالنسبة لي بتمثل ذكريات من زمن المستقبل و اقترب زمن رؤيتها في عداد تنازلي تم تقديره


مكنتش عايز انام قبل ماصلي الفجر و اقول كلمتين
^&^

قلمي السنون

قلمي بيكتب علي الورقة
بيكتب اللي في فكري بيدور

سايبه يكتب براحته شوية
أحيانا بابقي عسكري مرور

اكتب بس بعقل شوية
لأن كلامك ده منشور

عبر اوصف شخبط قول
تجعل صاحبك باله مسرور

لون حلمك خُطّ طريقه
قدم فكرك علي طبق بَنّور

خليك قلم ايجابي في حياتك
عندك هدف بتأدي دور

مش يفرق نوعك او طول سنك
المهم حروفك تِطَلّع نور

خليك انت يا قلمي وزيري
تفكر معايا و عليا تشور

لحد ما تدخل هيــا حياتي
و ساعتها حاقولك مشكور

: )