آخر حاجة في عنوان هذا البوست ليست وصف لكلمة إستفزاز
و لكن المقصود هو الاستفزاز الناتج عن لفظة آخر حاجة
!
و زي ما في الفاظ شبابي كتير بنقولها مقبولة
زي ما بردو في الفاظ مسسسسسسسستتتتتتتتفففففففففززززززززززززةةةةةةةةةة
..
أكاد أصاب بالغثيان حين سماعي لها
يفترض ان "آخر حاجة" هي بديل للتعبير عن "جداً" مثلا؟
أو هي تحوير لكلمة "للغاية"؟
- يا جدع متبقاش قديم و خليك آخر حاجة
!
- طب لو سمحت معندكش الحاجة اللي قبلها؟؟؟؟
ولا البضاعة خلصت و اي حاجة عندكم بقت هيا آخر حاجة؟؟؟
...
باحس ساعات ان كلمات زي ديه بتنتشر نتيجة ان في شباب بيحب يظهر نفسه مواكب لتهييس العصر و انه كدا في التراك السليم الطبيعي مش زي الناس اللي مبيقولوش الكلمات ديه
من منطلق : انت معندكش خلفية ولا ايه؟ دانت قديم خالص .. ازاي متعرفش ان كذا ده يعتبر آخرحاجة؟؟
علي العموم
هيا مش أول ولا آخر كلمة مستفزة من النوع اللي يتشاف في اعلان ولا برنامج ولا فيلم و تلاقي تاني يوم مصر كلها بترددها باعتبارها خبر صفحة أولي للشباب
بس بجد
رغم ان الامنية تكاد تكون خيال علمي
بس أتمني ان ديه تكون آخر حاجة اسمعها من الكلمات ديه
:)
8 COMMENTS:
يا جت على دى بس
ده فى ياما كلام بينرفز
على الاقل دى كلمه مفهوم معناها
فى كلام تانى بقى مش مفهوم معناه
زى "حبقلشك" دى
اموت واعرف يعنى اييه
بس حنروح فين ده سلوك موجود فى المجتمع
سواء شأنا او اباينا
بس اهو موجود بس المهم انه بعيد عننا وخلاص
بس جامدة اخر جملة دى نياهاها
اها
بس حبقلشك مش منتشرة و واضح من حروفها
لكن المشكلة ان آخر حاجة انتشرت و
اتعمل باسمها منتدي
:D:D:D
بس ده مش سلوك مجتمع كامل
لكن عدوي و انتشرت في الفئة الشبابية و احنا اول ناس اكيد بنحس بيها علي عكس أهالينا علي سبي المثال
ماهو آخر جملة مش آخر حاجة باختم بيها
:D
كلامك آخر حاجة بصراحة
:D
عندك حق د. شريف كلمات مستفزة جدًا وياريت الموضوع على كلمات وخلاص .. لو كانت لهانت.
المشكلة أن الموضوع بقى أسلوب حوار وتعامل وأخشى ما أخشاه أنه يبقى ثقافة وأسلوب حياة.
هانروح بعيد ليه ما فعلًا شباب كتييييييير وأقصد بنات وولاد بقت ديه طريقة التعامل وده القاموس الجديد بتاعهم ساعات الواحد فعلًا بيحتاج قاموس عشان يفهم معاني الكلمات والمصطلحات المستخدمة فيما بينهم.
الواحد ممكن تفلت منه كلمات غريبة بس زي ما قلت لحضرتك فلتات بتبقى على سبيل الهزل ولكن ليس اساس ابدا.
وفيه مكلة جامدة جدا بامانة شديدة وهيا الفرانكوارب بجد حاجة تثير الاشمئزاز بدرجة مفزعة.
اع>ر الناس اللي مثلا فعلا مجبرين عليه مثلا لو الكمبيوتر دون لوحة مفاتيح عربية ويريدون التسهيل على الاخرين
لكن ايه معناه والمشكلة اننا بقينا بنستخدمه ياريت على الكمبيوتر وخلاص كاحد اللغات المعترف بيها بين الشباب ولكن بقى مستخدم في الحياة العملية بشكل تشمئز له النفوس
احترم اللغات جدا جدا وافضل استخدام العربية الصريحة او الانجليزية الصريحة الا في حالات الضرورة
أممممم.. أعتقد إني خرجت عن الموضوع شوية ولكن الشيء بالشيء ي>كر
أعتقد يا د. شريف أن الظاهرة اللي حضرتك اشرت لها بمثابة مؤشر حيوي عن انحدار المستوي الثقافي واللغوي بين الشباب..للأسف الشديد.
وانتشارها أصبح كانتشارالمرض الخبيث في جسد بلا مناعة !
في أحد المرات وفي طريقى للعودة الي البيت لفت انتباهي حوار بين ثلاثة شباب طوال الطريق.. لم يلفت انتباهي ارتفاع صوتهم وكلامهم ال>ي ليس له اي معني ولكن الكلمات المستخدمة اكاد اجزم ان 3/4 منه لا افهم معناه مع انه بالحروف العربية وكانهم يتحدثوا بلغة خاصة..!
لنا الله.. وربنا يصلح الحال.
أعت>ر بشدة عن الأطالة بشكل يثير الاستفزاز.
: )
- طب لو سمحت معندكش الحاجة اللي قبلها؟؟؟؟
هههههههههههه فعلاً !!!
بس بجد
رغم ان الامنية تكاد تكون خيال علمي
بس أتمني ان ديه تكون آخر حاجة اسمعها من الكلمات ديه
يا ريت بس تفتكر ؟!
اصل احنا نفسنا بنقول كلمات بالنسبة لغيرنا غريبة
اقصد بأحنا يعنى جيلنا
كلمة تهيس مثلاً نفسى اكتب بوست عنها قريب إن شاء الله ما طلعتش غير حديثاً تقريباً لما دخلت الكلية صيدلة عرفتها (اولى يعنى )
بس فى كلمات أخر استفزاز (مش استفزاز اخر حاجة :::)
زى مثلاً يا مان
و بيس
و قشتات
انا سمعت الأخيرة رحت سأل اخويا قالى ده اللى يقولها يبقى خلاص ضايع !
رغم ان اللى بيقولها ممكن يكون مجرد سمعها و اتعود عليها فبقى بيقولها
بس الغريب انى الحمد لله مش بسمع كلمة آخر حاجة ده اول مرة اسمعها هنا :)
نسيت اقول ..
ربنا يهدينا و يهدى الجميع
بس لو عايزين نغير لازم نغير من نفسنا
لكن للأسف الشباب اتعود على اسلوب معين فى التعامل لو حاولت حتى تغير فى تعاملك مع الآخرين بكلمات مفهومة ممكن ما يفهموهاش !
و لو حد اتكلم بلغة عربية حيفتكروة مجنون
و ده الحقيقة فعلاً للأسف
@ Death :
المشكلة أن الموضوع بقى أسلوب حوار وتعامل وأخشى ما أخشاه أنه يبقى ثقافة وأسلوب حياة.
فعلا أنا افتكر اني من فترة كنت شوفت فيديو مشروع تخرج واخد المركز الاول تقريبا لكلية آداب عين شمس وكانو متناولين المشكلة ديه فيه
و جابو فقرة كوميدي عن مجموعة شباب بعد كام سنة و هما قاعدين بيتكلمو مع بعض
فجابوهم بيتكلمو كلام غريب و الترجمة العربي نازلة تحت
:)
ربنا يرحمنا برحمته
--------------------------------------
وفيه مكلة جامدة جدا بامانة شديدة وهيا الفرانكوارب بجد حاجة تثير الاشمئزاز بدرجة مفزعة.
رغم ان المشكلة ديه عملولها حلين
الاولاني هو موقع يملي
http://www.yamli.com/editor/ar/
و في بردو المشروع اللي تبع ميكروسوفت اللي هوا زي كراك بينزل علي الويندوز و طول فترة تشغيله بيقلب الفرانكو لعربي سليم
بس علي ماسمعت ان الموضوع بتاع الفرانكو كان مقصود عشان تضييع الهوية العربية
من خلال ان موبايلات كتير جديدة اول مانزلت عندنا خلوها تنزل من غير لغة عربي بحجة تأخير ظبط اللغة لكن كان الهدف هوا زرع فكرة الفرانكو في الشباب
-------------------------------------
لنا الله.. وربنا يصلح الحال.
آمين.. لأن فعلا الوضع الثقافي عندنا مش ناقص
:)
-------------------------------------
أعت>ر بشدة عن الأطالة بشكل يثير الاستفزاز.
المدونة مدونتك يا دكتور
^_^
و شكرا لردك
@ Alexandra :
كلمة تهيس مثلاً نفسى اكتب بوست عنها قريب إن شاء الله ما طلعتش غير حديثاً تقريباً لما دخلت الكلية صيدلة عرفتها (اولى يعنى )
^_^
حضرتك فكرتيني بيها
انا فاكر فعلا ايام اعدادي صيدلة تقريبا سمعتها و استغربتها الي ان وصل بها الحال الي كونها كلمة أصبحت في صميم اللغة
:D
و في انتظار البوست ده
:D
----------------------------------
بس لو عايزين نغير لازم نغير من نفسنا
علي قد مانقدر نتماسك امام قوة سحب الدوامة
----------------------------------
و لو حد اتكلم بلغة عربية حيفتكروة مجنون
و ده الحقيقة فعلاً للأسف
^_^
ساعات بتفلت مني كلمات عربي باحس ان اللي قدامي بيكون عايز ياكلني
:D
Merci Beaucoup
:)
هههههههههههههههه
على قد مانا موافقاك جداااا في الكلام على قد ما ضحكتني و انا بقرأ البوست ده
:-D
للأسف الشديد كلمة "آخر حاجة" تعتبر دلوقتي ولا حاجة جمب مصطلحات غريبة جدا طلعت.. منها كلمات اتحرج انطقها و لو حتى على سبيل المثال
ربنا يتوب علينا من المنحدر اللي احنا نازلين فيه ده
:):
Post a Comment