من 9 شهور
انا كنت مكان الراجل اللي في الصورة ده
واخد قرار بالاستقالة من اول شركة اشتغلت فيها في حياتي
سالتهم مطلوب مني ايه عشان استقيل
فمدير الاتش ار قاللي طالما اخدت قرارك هات ورقة بيضاء
واكتب ما في ما معناه
برجاء قبول استقالتي بداء من التاريخ مش عارف ايه وذلك لاسباب شخصية ورقم البطاقة والتوقيع واديتهاله عشان يمضي الموافقة وقلتله تمام كده فقاللي تمام
فاخدت ورقة الاستقالة واتصورت معاها الاول وبعدها اديتهاله
^______^
وتمر الايام
ومكنتش اتخيل بالسرعة ديه يتكرر النهارده نفس الموقف تاني
بس بالشقلوب
!
محاسب معايا في الشركة كان بيعدي بمرحلة الاستقالة وكان بيسألني يعمل ايه
وجهزتله ورقته بالصيغة اللي يكتبها
وبعد ما كتب بياناته ومضي
اداني الورقة
عشان اوافق له (ك مدير) علي الاستقالة
ومضيتله
وخلصتله متعلقاته الرسمية
وانهيت معاه الموضوع
وطيبت خاطره ودعيتله ربنا يوفقه
وطيبت خاطره ودعيتله ربنا يوفقه
...
عمري في المرة الاولانية
ما كنت اتوقع ان الدنيا حتلف معايا بالسرعة ديه
^_^
انا كان عندي حسن ظن بالله
بس ربنا كرمه كان اكبر واسرع
مصداقا لامرين
ان الله عند ظن العبد به، فليظن العبد ما يشاء
ومصداقا للاية الكريمة
وتلك الايام نداولها بين الناس
حاسس ان ربنا في الموقف ده النهارده خلاني راضي وعوضني عن اول موقف لان نيتي فيه كانت صادقة
ومن بعد ما اول موقف كنت فيه اكاد اكون في موقف ضعف، ربنا خلاني اعيش نفس الموقف بعد حبة صبر بس وانا في موقف قوة
وكانها اشارة من اشارات ربنا في حياتي
ان الصبر والتوكل علي الله
لا غالب لهما
وان الدنيا ديه في لحظات
ممكن ييسر ربنا للانسان اللي مكانش يتخيله حيحصل ازاي
وان كرم ربنا ملوش حدود
وحاجة كمان
ان وعد الله حق
:)
..
انا حاسس اني لحد دلوقتي مندهش
:))
الحمد لله من قبل ومن بعد
حسبي الله لا اله الا هو عليه توكلت وهو رب العرش العظيم
الحمد لله الوكيل
تصبحوا علي خير
^_^
!
2 COMMENTS:
وأنت استقلت ليه أصلاً.. وإيه اللي وصل لك للمرحلة دي..؟.
#فضول ناس مشتغلتش أصلاً
وشيل الرمز التأكيدي..لو سمحت
أنا سعيد انك سالتي السؤال ده
:D:D:D
لاني اتوعدت بحاجات وملقيتهاش
وانا مبحبش اللي ميوفيش بعهده
ولاني وصلت مرحلة مكنتش باكسب فيها خبرة جديدة ولا معلومات جديدة، ولو كنت كملت اكتر من كده كنت حاخسر مش حاكسب
من الاخر .. كانوا عايزينني ابقي حد تقليدي .. وانا مش كده ومينفعنيش كده ومش بارضي بكده
:)
وكان من ضمن الاسباب المساعدة ليا اني اخد الخطوة ديه، هي ان في الفترة ديه بدأت أأسس بوصلة لان مرحلة التكوين كانت محتاجة جهد غير عادي، وبوصلة بالنسبالي اهم من الشركة اللي كنت فيها
وفي مرحلة التأسيس كان لازم يبقي في مرونة ضخمة في المواعيد وده مكنش ينفع مع شغل تاني
من الاخر: في فرص في الحياة، علاماتها بتبقي باينة، ربنا بييسرهالك بشكل ما بالعلامات بتاعتها، فلو مخدتيهاش يبقي انتي الخسرانة، خاصة ان ربنا هو اللي حاطط ترتيب العلامات ديه في حياتك، وسايبلك العقل للاختيار بعد ما يسرلك العلامات .. لعلهم يتفكرون
^_^
بالنسبة للرمز التأكيدي
فده انا حطيته عشان في سبام غلس كان بيدخل اوتوماتيك يكتب كومنتات بلغة غريبة
:D
فشوية كده لحد ما ازهقه
:D
Post a Comment