حاجات كتيرة في حياتنا عايزة ناخد بالنا
و حاجات عايزة حبة تأمل
يعني النهارده و لأول مرة
آخد بالي ان العمارة اللي ورا البنزينة اللي علي اول شارع شامبليون محطوط فوق سطحها يافطة كبيرة جدا بحيث تتشاف من اي حد علي الكورنيش
و مكتوب عليها
:
سبحان الله و بحمده
سبحان الله العظيم
ياه علي الجمال
ربنا يباركله اللي صممها و دفع فلوسها عشان تتعمل و تتعلق بالحجم ده
يمكن كل اللي حيشوفها حيرددها و ياخد ثوابها و يضيف حسنات لصاحب عمل الخير التذكيري ده
بس السؤال اللي بيطرح نفسه
هل بنتأمل حياتنا ؟
ولا باتت من التقليديات ؟
اعتقد ان ينبغي نفكر في حاجات كتير بشكل تاني
!
4 COMMENTS:
والله فعلا حاجه جميله جدا انه فكر يعملها شوف كام واحد شافها وكام واحد قالها واخد ثوابها وهو اخد ثواب عن كل واحد قالها
ربنا يباركله يارب وياريتنا نقدر نعمل حاجات زى دى ولو بسيطه عشان نحس اننا بنعمل حاجات كويسه فى حياتنا ولو بسيطه بس اجرها كبير
يعنى اى حد بدل ما يسمى بلوتوثه سوسو ولولو وتوتو لا ياريت يسميه اى ذكر زى ده بحيث انه هو هيقراه واللى بينقله هقراه و ناس تانيه كمان هتقراه
واكيد احنا برضه بنتأمل فى حياتنا بس يمكن الحكايه دى قلت شويه لان اعتقد وقتنا بقى مكدس شويه بطريقه متسمحلناش اننا نلاحظ كل حاجه حوالينا زى ما تقول كده الدنيا لهتنا للاسف
للاسف
بس الحمد لله لسه في ايدينا منقولش رب ارجعون لعلي اعمل عملا صالحا
ربنا ينفع بيكي الاسلام و المسلمين
جزاكي الله خيرا
فاكرة اني شوفت يافطة شبه كده من فترة بس مش فاكرة فين بالظبط
^_^
ملاحظة هامة جدااا اننا لازم نتأمل حياتنا كل شوية
(y) (y)
Post a Comment