في اسرار مخبئة في الحياة ديه
منها لحظات انا باسميها لحظات الشفافية
هي اوقات نادرة في ظروف مختلفة
بس الشيء اللي بيميزها
ان في لحظات زي ديه
بتحس انك اقرب لروحك من عقلك
او انك قادر تشوف شوية بروحك
في اللحظات ديه بيكون إحساسك بالدنيا وكل اللي عليها أو ما بعد الدنيا أعلي ما يمكن
حتي نسمة الهوا اللي تخبط فيك ممكن تحسها كأنها بتتكلم
بتشوف بُعد تاني جوا حياتك او وجهات نظر جديدة لكل حاجة تيجي علي بالك اثناء اللحظات ديه
.....
ليه سميتها لحظات شفافية؟ لأن بتحس انك شايف حقائق وبتخترق الدنيا كأنها شفافة واتشالت العتمة اللي فيها
أسأل الله ان يرزقنا بهذه اللحظات كلما احتجناها وكلما زاد نصيب الدنيا
1 COMMENTS:
وَأنّي أَرجُو اْللهَ حَتّى كَأنّنِي.. أَرَى بِجَمِيلِ اْلظّنِ مَا اْللهُ فَاعِلٌ
..
Post a Comment