بدأت أصدق واقتنع بان الاحلام في فترة النوم مبتبقاش مجرد احلام
ولا مجرد حاجات زي ما بيقولوا العقل الباطن عايزها
بالعكس
الاحلام انا شايفها امتداد لعالم الدنيا بس بتعيشه بروحك أكتر مع بقية الأرواح
شايفها امتداد لحياة .. ربما لو كنت اعرف ان الحسنات والسيئات بتتحسب في احلامنا كنت ممكن ماستغربش
^_^
لأن بيُتاح للانسان انه يستكمل الحياة في الاحلام .. ساعات كتيرة الواحد بيحس بنفسه حاضر بقوة جوا الحلم سواء واثق من نفسه او قاعد بيفكر جوا الحلم او حاجات عادية مس مختصرة خالص زي مالواحد بيحسب عن قوانين الحلم
في الحلم ممكن تقابل الناس اللي انت مفتقدهم ومش عارف تقابلهم
في الحلم ممكن تجرب تعيش مواقف جت علي بالك
في الحلم ممكن تلاقي اجابة علي سؤال مكنتش عارف اجابته وانت صاحي في الدنيا
في الحلم ممكن تعمل المستحيل زي انك تستمتع بالطيران مثلا
ممكن واحد يبقي طهقان من نفسه يدخل ينام يشوف الناس اللي بيحبهم ومفتقدهم او يشوف حاجة سعيدة جدًا ويعيشها فيصحي من النوم فايق وشايف الدنيا أروق
وممكن واحد يبقي منشكح ويدخل عشان ينام فيقابل أسوء موقف مكنش يتخيله
وممكن الاحلام تعيش فيها كذا مرة .. وتكمل حلم انت شوفته من وانت في ابتدائي
وممكن توصل لدرجة التحكم في الاحلام زي انك تكمل حلم كان نفسك تكمله او انك تنقطع عن حلم مش عايز تكمل حياة فيه وتقرر انك تصحي من النوم فيه
ساعات كتيرة جدًا عالم الاحلام بيبقي محبب .. زي لما الواحد يقول انا داخل انام دلوقتي عشان اشوف الفيلم بتاع النهارده حيطلع ايه
بس الأهم هو
ان الاحلام نعمة
ساعات الواحد بيستريح من خلالها
الحمد لله
2 COMMENTS:
في كتاب اسمه الأحلام لمصطفى محمود ..حاول تقراه حيكشف لك كتييير اوي عن العالم دا
انا بقى الحلم زي مانت بتقول كدة فيلم بمعنى الكلمة.. لا يمت للواقع بصلة وديما اكشن ومطارادات ههههه أكيد عقلي الباطن بيعوض النقص اللي عنده
كنت قريت شوية منه قبل كده, فكرتيني بيه
بتبقي جامدة أفلام الأكشن
:)))
Post a Comment