ديه المدة اللي تواجدت فيها في شركة المدينة
ك
HR Manager
حتي الان
في المدة ديه خليت موظفين كتير يفضفضوا ويقولولي علي اللي حاسين بيه
وقربت من كتير منهم
^_^
وحللت المشاكل والحلول والتطوير والتنمية اللي ممكن تحصل عشان يحصل تقدم افضل باذن الله في شغل الناس
وبقي عندهم فيا نوع من التفاؤل والعشم بعد ما فهمتهم ان وظيفة الاتش ار رقم 1 بالنسبالي هي اني اخلي كل واحد فيهم مرتاح اكتر في شغله واساعده يحقق شغله باحسن شكل
:)
الحمد لله لقيت ناس كتيرة فيهم زي الاخوات فعلا
لدرجة اني بدات من تفكيري معاهم وعشانهم اني لقيت نفسي بدات أحلم بيهم اكتر من مرة وبمواقف في شغلهم بتحصللهم
:)))
شعور المسئولية والامانة في رقبتي بيخليني بدل ما افكر في حل ليهم، اني ادور وافكر علي حلين او 3 حلول
وبيخليني فرحان وانا باسعي لمساعدة اي حد في الشركة في الحاجة اللي هو محتاجها
وحاسس اني باتغير للافضل وانا باحاول اطبق العلم اللي عندي معاهم في نفس الوقت
او لما بادور علي معلومات عشانهم
يمكن مع الفرق
بس اقدر اشبه الموقف اني حاسس انهم زي اولادي اللي بقيت باقلق عليهم
رغم اني اصغر مدير في الشركة بس حاسس ان مسئوليتي اكبر تجاه الجميع
وده بيزود العبء النفسي في اني لازم اتبحر و اكون علي قدر العلم اللي يتطلبه الموضوع مني
وان قدامي طريق طويل من دراسة العلم والتطبيق العملي الموازي عشان اسيب علامة مؤثرة للافضل ف المكان اللي انا متواجد فيه
وان في تحديات كتيرة محتاج الاقيلها حلول تلقي قبول اغلب الاطراف في نفس الوقت
وان محتاج اكثف وقتي اكتر عشان يبقي مفيد اكتر واقدر اجهز فيه حاجات اكتر
نفسي ارجع اظبط وقتي بحيث انام بدري واصحي مع الفجر
واحاول اقلل عدد ساعات النوم اللي متعود انامها
عشان اقدر اعمل اللي انا عايز اعمله في ال 24 ساعة اللي موجودين في اليوم
لان لبدنك عليك حق ولان روحك ليها عليك حق ولان الناس ليهم عليك حق
وتنظيم الوقت الوقت لاستغلاله استغلال امثل هو الحل لكل ده
عشان يتبقي وقت شخصي اعمل فيه حاجات تتعلق بيا، او هوايات او حاجات انا عايز اطورها في نفسي او اقرأ عنها اكتر
بس
Overall
انا بدات احس بالدعاء بتاع
اللهم استعملني ولا تستبدلني
كما لم اشعر به من قبل
^&^
2 COMMENTS:
^___^
ya 3m 7ottelna zorar like :D
يكفيني انك نورتني هنا
^_^
بس احطه منين؟
:))
Post a Comment