YES

من زمان المفروض في كاااااام بوست كانو المفروض ينزلو بس منزلوش بسبب ال 

Unstability

سواء كوقت او امتحانات او عدم تواجد في البيت

إحم

اصلي سيبت البيت ايام الامتحانات و روحت محرم بك عشان امنع نفسي من الكمبيوتر و احترم نفسي و اذاكر

:::

بس ديه مش عايز ماكتبهاش فحاكتبها قبل ما اهاجر الهجرة بتاعت كل امتحان

:)

ياااااااااااااااااه

بقالي كتير منافستش نفسي في قدراتها

آخر مرة قبل المرة ديه كانت في ثالثة ثانوي و الحمد لله كسبت نفسي بانتصار ساحــــــــــق

كون هذه الفترة بعيدة نسبية قد أثار بنفسي الشكوك إزاء إن كنت مازلت قادر علي الحرب أم أنه قد عفي عليا الزمان و أصبحت كهلآ غير مؤهل لمثل هذه النوع من الحروب

الحرب بتبقي علي مفهوم ذاتي

و لو خسرت يبقي بتخسر خسارة تانية اضافية معاك و هيا جزء من ثقتك في نفسك

و ده انا مكنتش ممكن اسمح لنفسي انها تشك فيه بعد العمر ده

انا اجلت المعركة ديه لاكتر من سنتين

بس لما قررت احارب

رجعت عشان آخد بتار قديييييييييييييييييم من حوالي 5 سنين

و كان لازم أتخلص منه في الفرصة ديه لأن محدش عارف فرصة الحرب الجاية حتكون امتي

نزلت ب 82% من جيشي

و بجد عملو اللي عليهم

و لو كان نزل معاهم و لو 9% من احتياطي الجيش

 

كان حيبقي الانتصار مدمــــر

الدرس المستفاد :

لا للشك في القدرة علي الحرب مرة أخري

لكن نعم لئلّا تتباعد فترات الحرب حتي لا يكون النسيان من نصيب البعض من مهارات القتال

-----------------------------------------------------------------------------------

و كان عندي امتحان ميكرو امبارح

و سألوني عن اسم وزير التعليم العالي

و جاوبت باسم وزير التعليم المنخفض

:D

الذنب مش ذنبي ان الوزير ده معملش حاجة عشان افتكر اسمه بيها

ده حتي الفرصة اللي جت قبل كدا و كنت ممكن افتكر بيها اسمه من خلال اني كنت حاضر في مؤتمر و المفروض انه كان حيفتتحه 

.. يومها اعتذر

!

عموما هما قدروا الوزير في الامتحان بنص درجة كاملة

و انا الصراحة

مش زعلان عليها

ربنا يدي الكل علي قد نيته

:D

---------------------------------------------------------

و الشفوي اللي اتعملله هولليلة في الورق

:::

جائت الاقدار اني ادخل لدكتورة لابسة ابيض في ابيض و قاعدة علي مكتب ابيض و لما سحبت ورقة اسئلة طلع رقمها هوا رقم يوم ميلادي و كانت أسئلتها لطيفة جدا

^_^

----------------------------

الحلقة الجاية مع امتحان الاناليتيكال ان كان لينا عمر

:)