بقيت ساعات باحس اني زهقان من الحياة
وأني ليس لي في الحياة رغبة
وان ايام وبنعيشها لحد ما تخلص
...
وساعات باحس اني واحشني اغاني قديمة غريبة
احس باحساس ان
ايد لوحدها متسققش - هنيدي
وان لو قررت تكون حتكون جواك قدرة تهد الكون
وافتكر ان
ربك لما يريد - محمد منير
احلامنا حتتحقق
والصعب بيتهون
وافكر نفسي بان شيل الدين مالدنيا حتتحول في ثواني لغابة
الطريق الصح - محمود العسيلي
وافتكر ان ايام وسنين بتفوت وتعيش احلام وتموت
منايا - مصطفي قمر
واسرح مع
كمانانا - محمد فؤاد
او حتي اغنية انتي الامان انتي الحنان من تحت قدميكي لنا الجنان
كرتون ريمي
وافكر نفسي بكل جزء من حلم اتولدت عليه
الحلم العربي
...
بس بقيت بارجع تاني للشعور الاولاني بعد فترة قصيرة
شعور اتكلم عنه الشاعر محمود درويش تحت عنوان
لا شيء يعجبني
وده مش عدم رضا عشان محدش يفهمني غلط
انا الحمد لله طول عمري راضي عن كل فيمتو لحظة في حياتي
والحمد لله علي كل ذرة نعمة اتوهبتها .. فانا اشعر ان حياتي هي في افضل شكل ممكن
لكن كلامي هو من منظور تاني
ان بقالي فترة مش صغيرة مرتبط بيا شعور بايخ .. اني حاسس ان
مــفـــيـــش نِــفـــس
مليش نفس اعمل حاجة حتي لو بحبها
او يمكن في مصطلح اخر .. هو اني مبقتش باحب حاجة
مفيش حاجة شادداني في الدنيا
مفيش حاجة محسساني ان الدنيا تستاهل
كل حاجة بقت في عينيا سواء
أما آن للأيام المنزوعة الطعم ان تنتهي؟
حتي لو كان معني ذلك هو فناء الايام ذاتها
.
لا اشعر بالرغبة في اي شيء
لا شيء يعجبني
2 COMMENTS:
لو انت ملكش نفس للحياة
يبقى انا اروح انتحر احسن
سيبت ايه للمتشائمين أمثالي ^_^
بصر احة مش هقدر أقولك متعملش كده
علشان انا كمان حاسة كده :)
بحس اني مش قادرة اكمل في الحياة
ببقى عايزاها تقولي
GAME OVER
:D :D
:)
الانسان يَبقَي انـسـان وليس آلة او جماد مطلوب منها انها تأدي دور معين ومتحسش او تلغي خاصية الاحساس فيتحول الي جماد وهو ما لم يخلقه الله سبحانه وتعالي فيه
فالشعور تجاه الدنيا مرتبط باحساس الانسان وروحه وموقفه الحالي منها اللي له سكة من تلاتة
السكة الاولانية ان الانسان يكون في حاجة في حياته بتدفعه الي انه يعيش الدنيا بافضل احساس ممكن وانه يكون متحمس للحياة
السكة التانية هي ان الانسان تبقي الدنيا بالنسبة له حالة حيادية ممكن مرة يفرح وممكن مرة يزعل واهو بيعيشها وخلاص
السكة التالتة هي ان الانسان ميبقاش عنده قدر من الدوافع اللي يخليه حابب انه يعيش الدنيا بصعوباتها لان ممكن حاجات معينة كانت بتحببه في الحياة مبقيتش موجودة .. فساعتها حابقي باتهمه بانه ازاي مش قادر يعيش الحياة زي السكة الاولانية رغم انه ده يعتبر ظلم ليه وتصنيفه علي انه جماد غير مبالي بظروفه الشخصية ودوافعه
المهم تحاولي متبقيش حاسة بكده لفترة كبيرة وان شاء الله تنضمي للسكة الاولانية
^_^
وعلي فكرة حتلاقي ان انتي اللي بتقولي للحياة
GAME OVER
لانك مش عايزة تلعبي اللعبة ديه ومبقاش في حاجة مخلياكي حابة تلعبيها
:D:D:D
Post a Comment